استانادا مەرەكە كۇندەرى 2000 نان استام پوليتسەي قوعامدىق ءتارتىپتى كۇزەتەدى
شارالاردى وتكىزۋ كەزەڭىندە ەلورداداعى قوعامدىق ءتارتىپ جانە جول قاۋىپسىزدىگى قىزمەتى كۇشەيتىلگەن ناريادپەن جۇمىس ىستەيتىن بولادى. وعان ەكى مىڭنان استام پوليتسيا قىزمەتكەرلەرى، 200 دەن استام ىشكى ىستەر دەپارتامەنتىنىڭ اۆتوكولىگى تارتىلادى. وقىس وقيعا تۋىنداي قالعان جاعدايعا شۇعىل جانە اۆاريالىق-قۇتقارۋ قىزمەتتەرىمەن پوليتسيانىڭ بىرلەسكەن ءىس-قيمىلى ازىرلىككە كەلتىرىلدى.
قالانىڭ جابدىقتارى مەن سىرتقى رەسىمدەلۋىن ساقتاۋ ماقساتىندا پوليتسەيلەر ساحنالىق الاڭداردى، مادەنيەت جانە سپورت نىساندارىن كۇزەتىپ، زاڭعا قايشى ءىس-قيمىلداردىڭ ورىن الۋ فاكتىلەرىنە جول بەرمەۋ شارالارىن قابىلدايدى. مەرەكەلىك شارا وتەتىن ورىنداردا ءى ءى د مەن اۋداندىق ءى ءى ب باسشى قۇرامدارى ىشىنەن تاۋلىك بويى كەزەكشىلىك ۇيىمداستىرىلادى.
مەرەكەلىك شارالار وتەتىن كۇندەردە شارالارعا قاتىسۋشىلاردى، ەلوردا قوناقتارىن تاسىمالداۋ ءۇشىن اۆتوكولىكتەر ءبولىندى، بۇدان باسقا، جۇرتشىلىق كوپ جينالاتىن ورىنداردا كولىك قوزعالىسىن شەكتەپ، كولىك قويۋعا وڭتايلى ورىنداردى ايقىنداۋ جوسپارلانۋدا.
اعىمداعى جىلعى 4-5- شىلدەدە 17:00 دەن 03:00 گە دەيىن مەرەكەلىك شارالار وتەتىن ۋاقىتتا جەلتوقسان-رەسپۋبليكا-ەسىل وزەنىنىڭ جاعالاۋى بويىنداعى كوشەلەر جابىلادى.
سونداي-اق 4-7- شىلدەدە ساعات 18:00 دەن 01:00 گە دەيىن اباي داڭعىلىنان بەيبىتشىلىك كوشەسى بويىنشا كەنەسارى كوشەسىنە دەيىن جولدا كولىك قوزعالىسى توقتاتىلادى. 3-5- شىلدە ارالىعىندا ساعات 19:00 دەن 01:00 گە دەيىن «استانا- ارەنا» ستاديونى، «سارى ارقا» ۆەلوترەگى، «الاۋ» كونكيمەن جۇگىرەتىن ستاديونىنىڭ كولىك قوياتىن ورنىندا قوزعالىس شەكتەلەدى.
وسىعان بايلانىستى، استانا ق. ءى ءى د اكىمشىلىك پوليتسيا باسقارماسى ەلوردا تۇرعىندارى مەن قوناقتارىن قوزعالىس باعىتتارىن الدىن الا جوسپارلاۋعا شاقىرادى.
