جەرورتا تەڭىزىنەن 2000 جىل بۇرىن سۋعا كەتكەن الىپ كەمە تابىلدى
باسىلىمنىڭ مالىمەتىنشە، كەمەدە قىشتان كۇيدىرىلىپ جاسالىنعان جابىنقىش ماتەريالدار بولعان.
اپات بولعان جەر يتاليالىق پوليتسەيلەر مەن ارحەولوگتاردىڭ بىرىگىپ قولعا العان وپەراتسياسى كەزىندە تابىلدى.
ارحەولوگتاردىڭ ايتۋىنشا، كەمە مەن ونداعى جۇك جاقسى ساقتالعان. اۋدانى 2078 شارشى مەتر بولاتىن كەمە جابىنقىش تاقتالارعا تولتىرىلىپتى.
ماماندار كەمە يسپانيا نەمەسە ساردينيانىڭ شىعىسىنا بەت العان بولۋى مۇمكىن ەكەنىن ايتتى. ونداعى جۇك شەنەۋنىكتەر نەمەسە ساۋداگەرلەردىڭ ۇيلەرىنىڭ قۇرىلىسىنا ارنالعان. عالىمدار كەمەنىڭ سۋعا كەتۋ سەبەبىن ونداعى جۇكتىڭ تىم كوپ بولۋىمەن بايلانىستىردى.
ارحەولوگتار جۇكتى زاڭسىز يەمدەنەدى دەگەن قاۋىپپەن پوليتسەيلەر كەمەنىڭ ناقتى قاي جەردەن تابىلعانىن ايتپاي وتىر.
