بيىل 200 اۋىلدى دامىتۋعا 55 ميلليارد تەڭگە بولىنەدى

«تولىقتاي العاندا، بيۋدجەتتى ناقتىلاۋ اياسىندا شىعىستاردى كەلەسى باعىتتار بويىنشا جالپى سوماسىن 2,2 ميلليارد تەڭگەگە دەيىن ۇلعايتۋ كوزدەلگەن. پرەزيدەنت تاپسىرمالارىن جۇزەگە اسىرۋعا 2 ترلن تەڭگە قاراستىرىلعان»، - دەدى ۆيتسە- مينيستر 2023 -جىلعا ارنالعان رەسپۋبليكالىق بيۋدجەتتى ناقتىلاۋ تۋرالى زاڭ جوباسى تانىستىرا كەلە.

ونىڭ اتاپ وتۋىنشە، وڭىرلەردى نىعايتۋ جانە ينفراقۇرىلىمداردىڭ دامىتۋعا 240 ميلليارد تەڭگە جۇمسالادى. ونىڭ 109 ميلليارد تەڭگەسى قالالار مەن اۋىلداردى اۋىز سۋمەن قامتۋعا باعىتتالادى.

«قوسىمشا شىعىستار 2023 -جىلى قالالاردا ورتالىقتاندىرىلعان سۋمەن جابدىقتاۋعا قولجەتىمدىلىكتى 99 پايىزعا، ال اۋىلدىق ەلدى مەكەندەردە 96,5 پايىزعا ارتتىرۋعا مۇمكىندىك بەرەدى. سونداي- اق «اۋىل - ەل بەسىگى» جوباسىن ودان ارى جۇزەگە اسىرۋ ءۇشىن زاڭ جوباسىندا 55 ميلليارد تەڭگە كوزدەلگەن. بۇل شىعىستار 200 اۋىلدىق ەلدى مەكەندى جاڭعىرتۋعا جۇمسالادى»، - دەدى ول.

ۆيتسە- ءمينيستردىڭ دەرەگىنشە، زاڭ جوباسىندا ينجەنەرلىك- كوممۋنيكاتسيالىق ينفراقۇرىلىمدى دامىتۋعا 24 ميلليارد تەڭگە كوزدەلگەن. بۇل قاراجاتقا شاعىن قاباتتى 550 تۇرعىن كەشەنىنە جانە جەكە تۇرعىن ۇيگە ارنالعان شامامەن 15 مىڭ جەر ۋچاسكەسىنە ينجەنەرلىك- كوممۋنيكاتسيالىق ينفراقۇرىلىم تارتۋ جوسپارلانىپ وتىر. سونىمەن قاتار ءىرى قالالاردىڭ شاعىن جانە مونوقالالاردىڭ اۋماقتارىن دامىتۋعا 27 ميلليارد تەڭگە قاراستىرىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى