جيىرما ميلليونىنشى بولىپ تۋعان بەس بالانىڭ ءبىرى ۇلىتاۋدا ومىرگە كەلگەن
ۇلىتاۋ وبلىسىنىڭ جەزقازعان قالاسىندا قازاقستاننىڭ 20 ميلليونىنشى ازاماتى دۇنيەگە كەلدى. نارەستەنىڭ ەسىمى توميريس، دەپ حابارلايدى قازاقپارات اگەنتتىگىنىڭ ءتىلشىسى.
ەلىمىزدىڭ سانىن 20 ميلليونعا جەتكىزگەن نارەستەلەردىڭ ءبىرى كەشە 14-قاراشا كۇنى ساعات 08:10-دا دۇنيەگە كەلدى. ءسابيدىڭ ەسىمى - اقىلبەك توميريس سۇڭعات قىزى. بۇل سۇڭعات سەيىتجان مەن ايگەرىم مولداشەۆانىڭ تۇڭعىشى.
اتا-انانى وبلىس جانە قالا باسشىلىعى قۇتتىقتادى.
بۇل كۇنى جەزقازعاندا تاعى 10 بالا دۇنيەگە كەلدى. قالا اكىمدىگىنەن بارلىق جاڭا تۋعان نارەستەلەرگە سىيلىقتار تابىس ەتىلەدى.
