بىشكەكتە بۇگىن كەشكى 20:00 باستاپ توتەنشە جاعداي رەجيمى ەنگىزىلەدى
جاپپاي تارتىپسىزدىكتەر ناتيجەسىندە تۋىنداعان زورلىق- زومبىلىقپەن جانە ادامداردىڭ ءومىرى مەن دەنساۋلىعىنا قاتەر توندىرۋمەن ۇشتاساتىن قالىپتاسقان جاعدايعا بايلانىستى، سونداي- اق قىرعىز رەسپۋبليكاسى كونستيتۋتسياسىنىڭ 15-بابىنا، 64-بابى 9-بولىگىنىڭ 2-تارماعىنا جانە «توتەنشە جاعداي تۋرالى» قىرعىز رەسپۋبليكاسى كونستيتۋتسيالىق زاڭىنىڭ 3،4، 7، 8-باپتارىنا سايكەس ازاماتتاردىڭ ءومىرى مەن دەنساۋلىعىن، ولاردىڭ قاۋىپسىزدىگىن قورعاۋدى قامتاماسىز ەتۋ مۇددەسىندە، بۇدان بولەك، بىشكەك قالاسىنىڭ اۋماعىندا قوعامدىق ءتارتىپتى قامتاماسىز ەتۋ ماقساتىندا: قىرعىز رەسپۋبليكاسى بىشكەك قالاسىنىڭ اۋماعىندا 2020 -جىلعى 9 - قازان ساعات 20.00 دەن 2020 -جىلعى 21-قازان ساعات 08.00 گە دەيىن توتەنشە جاعداي ەنگىزىلەدى.
قىرعىز رەسپۋبليكاسى ىشكى ىستەر ءمينيسترىنىڭ ورىنباسارى المازبەك قىدىرباي ۇلى وروزاليەۆ بىشكەك قالاسىنىڭ توتەنشە جاعداي كەزەڭىندەگى كومەندانتى بولىپ تاعايىندالدى. قىرعىز رەسپۋبليكاسى بىشكەك قالاسىنىڭ اۋماعىندا توتەنشە جاعداي رەجيمىن قامتاماسىز ەتۋ ءۇشىن كومەنداتۋرا قۇرىلىپ، بىشكەك قالاسىنىڭ كومەنداتۋراسى تۋرالى ەرەجە قوسىمشاعا سايكەس بەكىتىلدى.
