كۇنىنە 2 جۇمىرتقا تۇتىنعاندا دەنەڭىزدە بولاتىن 9 وزگەرىس
Bilim-Аll.kz جۇمىرتقانىڭ ادام اعزاسىنا پايدالى جاقتارى جونىندەگى سوڭعى زەرتتەۋ قورىتىندىلارىن جيناقتادى. 2-3 جۇمىرتقا - بۇل وڭتايلى كۇندەلىكتى مولشەرلەمە ەكەندىگى انىقتالدى.
ءسىزدىڭ ميىڭىز حوليننىڭ قورعاۋىندا
مي جاسۋشالارىنىڭ دۇرىس قارىم- قاتىناسىن قامتاماسىز ەتەتىن فوسفوليپيدتەر حوليننەن تۇرادى. كلينيكالىق دالەلدەنگەندەي، ءدال وسى دارۋمەن ميدىڭ ماڭىزدى قۇرىلىس ماتەريالى بولىپ تابىلادى. كۇنىنە 2 تاۋىق جۇمىرتقاسىن تۇتىنعاندا، اعزا قورەكتىك زاتتاردىڭ جەتكىلىكتى مولشەرىن الادى. حوليننىڭ جەتىسپەۋشىلىگى ەستە ساقتاۋ قابىلەتىنىڭ تومەندەۋىنە الىپ كەلەدى.
ليۋتەين ارقاسىندا كوز كورۋى ساقتالادى
جاڭا زەرتتەۋلەر كورسەتكەندەي، تاۋىق جۇمىرتقاسى ليۋتەيننىڭ كوپ مولشەرىن قامتيدى. بۇل زات كوزدىڭ ايقىن، ءارى وتكىر كورۋىنە جاۋاپتى. ونىڭ تاپشىلىعىنان كوز جاسۋشالارىندا قۇرتۋشى وزگەرىستەر جيناقتالادى جانە كوزدىڭ كورۋى قايتىمسىز تۇردە ناشارلايدى.
D دارۋمەنى كالتسيدىڭ سىڭۋىنە كومەكتەسەدى
ەگەر ادامعا: ءبىر قاسىق بالىق مايىنان ءىشۋ نەمەسە اسىلعان جۇمىرتقا جەۋدىڭ قايسىسىن تاڭداۋ ۇسىنىلسا، باسىم كوپشىلىگى ەكىنشىسىن تاڭداۋدى ءجون سانايدى. اسىرەسە، ەگەر ەكى جاعدايدا دا D دارۋمەنىنىڭ قۇرامى بىردەي ەكەنىن بىلسە. بۇدان دا بولەك، عالىمدار تاۋىققا ارنايى قوسپالارمەن جەم بەرۋ ارقىلى ولاردىڭ جۇمىرتقاسىنداعى دارۋمەن كولەمىن ۇلعايتۋعا مۇمكىندىك تۋاتىندىعى جايلى شەشىم شىعاردى. D دارۋمەنى كالتسيدىڭ جاقسى سىڭۋىنە جانە ادامنىڭ سۇيەگى مەن تىستەرىن قاتايتۋعا كومەكتەسەدى.
B دارۋمەنىنىڭ كەشەنى تەرى، شاش جانە باۋىردى قورعايدى
بيوتين، ۆيتامين B 12، سونداي- اق قورەكتىك ءسىڭىمدى پروتەين شاشتى جانە تەرىنى نىعايتۋعا كومەكتەسەدى. تاۋىق جۇمىرتقاسىندا قامتىلعان فوسفوليپيدتەر، باۋىرداعى ۋىتتى زاتتاردى جويۋعا ىقپال ەتەدى.
جۇرەك- قان تامىر اۋرۋلارىنىڭ قاۋپىن ازايتادى
الدىڭعى پىكىرلەرگە قاراماستان، جاڭا عىلىمي- زەرتتەۋلەردە جۇمىرتقاداعى حولەستەرين فوسفاتيدتەرمەن تەڭەسەتىندىگى دالەلدەنگەن، سوندىقتان دا ادام ءۇشىن زياندى ەمەس. ول اعزاداعى حولەستەريننىڭ وزدىگىنەن ءوندىرىلۋىن باياۋلاتادى. سونداي-اق، جۇمىرتقادا جۇرەك- قان تامىر اۋرۋلارىنىڭ قاۋپىن ازايتىپ، تريگليتسەريد مولشەرىن تومەندەتەتىن ومەگا-3 قىشقىلى بار.
ءسىز بىرتىندەپ ارىقتايسىز
امەريكاندىق عالىمدار تومەنگى كالوريالى ديەتامەن، تاڭەرتەڭگى اسقا جۇمىرتقانى بىرگە قولدانۋ ازۋدى ەكى ەسە جىلدامداتاتىندىعى جونىندە قورىتىندىعا كەلدى. مۇنداي تاڭعى اس ءبىر كۇندە تۇتىناتىن تاعام كولەمىن ازايتۋعا مۇمكىندىك بەرىپ، ۇزاق مەرزىمگە توقتىقتى ساقتايدى.
ونكولوگيالىق اۋرۋلار قاۋپى تومەندەيدى
ميعا وسىنشا قاجەتتى حولين، سونداي-اق، قاتەرلى ىسىك ىقتيمالدىعىن دا ازايتادى. زەرتتەۋ قورىتىندىسى بويىنشا، جەتكىنشەك شاقتارىندا كۇندەلىكتى تاعامعا جۇمىرتقا تۇتىنعانعان ايەلدەر اراسىندا، %18 عا ءسۇت بەزى قاتەرلى ىسىگىنىڭ دامۋ قاۋپى تومەندەگەن.
بالالى بولۋدى جوسپارلاعان كەزدە پايدالى
B دارۋمەندەر توبى، سونداي-اق جىنىستىق گورمونداردى قالىپتاستىرۋعا قاتىسادى. B 9 دارۋمەنى - «فوليي قىشقىلى» اتالاتىن وزگە دە اتاۋعا يە. ونىڭ كومەگىمەن، قىزىل قان جاسۋشالارى ءتۇزىلىپ، ۇرىقتىڭ جۇيكە تۇتىكشەسى قالىپتاسادى، بالانىڭ كەشەۋىلدەگەن اقىل-وي پسيحيكالىق دامۋ قاۋپىن ازايتادى. 1 تاۋىق جۇمىرتقاسىندا دارۋمەننىڭ 7,0 م ك گ مولشەرى بار.
قارتايۋ ۇدەرىسى باياۋلايدى
بۇل جونىندە نيدەرلاند عالىمدارىنىڭ زەرتتەۋلەرى دالەل بولادى. 35-تەن 40 جاس ارالىعىنداعى %87 ايەلدەردە پيگمەنت داقتار جوعالىپ، تەرى تارتىلعان، ال ەركەكتەردەگى كوز اينالاسىنداعى ۇساق سىزىقتار ايتارلىقتاي تەگىستەلگەن.
