بيىل ۇلتتىق قوردان كەپىلدەندىرىلگەن ترانسفەرت 2 تريلليون 880 ميلليارد تەڭگەنى قۇرايدى
اتالعان زاڭ جوباسى بويىنشا ۇلتتىق قوردان 2016-جىلعا كەپىلدەندىرىلگەن ترانسفەرت سوماسى تۇزەتىلەدى. ق ر ۇلتتىق ەكونوميكا ءمينيسترى ەربولات دوسايەۆتىڭ ايتۋىنشا، قازاقستان رەسپۋبليكاسىنىڭ 2016-2020-جىلدارعا ارنالعان الەۋمەتتىك-ەكونوميكالىق دامۋ بولجامىن ناقتىلاۋعا بايلانىستى جانە ا ق ش دوللارىنىڭ ەسەپتىك كورسەتكىشى 300 دەن 360 تەڭگەگە ۇلعايتىلادى. «وسىعان بايلانىستى ۇلتتىق قوردان بەرىلەتىن ترانسفەرت كولەمى 2016-جىلى 2880 ميلليارد تەڭگەنى قۇرايدى»، - دەدى مينيستر.
سونىمەن قاتار، كوميتەتتە «2016-2018-جىلدارعا ارنالعان رەسپۋبليكالىق بيۋدجەت تۋرالى» زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى. زاڭ جوباسىنا سايكەس، 2016-جىلعا كىرىستەردىڭ ناقتىلانعان بولجامى (ترانسفەرتتەردىڭ ءتۇسىمىن ەسەپتەمەگەندە) 3365,3 ميلليارد تەڭگە بولىپ بەلگىلەندى، بۇل بۇرىن ناقتىلانعان بيۋدجەتكە 300,0 ميلليارد تەڭگەگە از. سالىق تۇسىمدەرى بويىنشا بولجام بەكىتىلگەن 305,0 ميلليارد تەڭگەگە ازايىپ، 3 189,8 ميلليارد تەڭگە سوماسىندا بەلگىلەندى. 2016 -جىلعا ترانسفەرت ءتۇسىمى 3903,1 ميلليارد تەڭگە سوماسىندا كوزدەلىپ وتىر، ونىڭ ىشىندە ايىرباس باعامىن تۇزەتۋگە جانە «نۇرلى جول» مەملەكەتتىك باعدارلاماسىنىڭ شىعىستارىن قايتا قاراۋعا بايلانىستى 720,5 ميلليارد تەڭگەگە ۇلعايىپ، ۇلتتىق قور ترانسفەرتى 3687,5 ميلليارد تەڭگە بولدى.
بيۋدجەت شىعىستارى 600,2 ميلليارد تەڭگەگە ءوسىپ، 8266,8 ميلليارد تەڭگەنى قۇرايدى. رەسپۋبليكالىق بيۋدجەت تاپشىلىعى 2016-جىلى 179,2 ميلليارد تەڭگەگە ۇلعايىپ، 902,7 ميلليارد تەڭگە نەمەسە ج ءى ءو- ءنىڭ 2 پايىزى شاماسىندا بەلگىلەنگەن.
زاڭ جوباسى الداعى ۋاقىتتا وتەتىن پالاتانىڭ جالپى وتىرىسىنا شىعارىلادى.
اۆتور: قانات مامەتقازى ۇلى
