اپاتقا ۇشىراعان ا ن-2 ۇشاعىندا بولعان 7 ادامنىڭ التاۋى قازا تاپتى
بۇل تۋرالى توتەنشە جاعدايلار كوميتەتىنىڭ باسپا ءسوز قىزمەتىنەن حابارلادى.
ۇشاق قۇلاعان اۋدانعا «قازاق مىس» كورپوراتسياسى» ج ش س «شاتىركول» كەن ورنى قاۋىپسىزدىك قىزمەتىنىڭ قىزمەتكەرلەرى، قاراعاندى جانە جامبىل وبلىستارى توتەنشە جاعدايلار دەپارتامەنتتەرىنىڭ قۇتقارۋ بولىمشەلەرى جانە جامبىل وبلىسى ىشكى ىستەر دەپارتامەنتىنىڭ جەدەل- تەرگەۋ توبى جىبەرىلدى.
«قازاق مىس» كورپوراتسياسى» ج ش س «شاتىركول» كەن ورنىنىڭ كۇشىمەن جۇرگىزىلگەن ىزدەستىرۋ- قۇتقارۋ جۇمىستارىنىڭ ناتيجەسىندە ساعات 17.01 دە قۇلاعان ۇشاق كەن ورنىنان 20 شاقىرىم جەردە انىقتالعان بولاتىن.
ۇشاقتىڭ قۇلاۋىنان ەكيپاجدىڭ 3 مۇشەسى، سونداي-اق 3 جولاۋشى قازا بولدى. ۇشاق قۇلاعان ورىندا ءتىرى قالعان ءبىر ايەل ادام تابىلدى، ول اۋرۋحاناعا جەتكىزىلدى.
