ۇلتتىق قورعا جىل باسىنان 2,6 تريلليون تەڭگە ءتۇستى

«جالپى حالىقارالىق رەزەرۆتەر ماۋسىم ايىنىڭ سوڭىندا 94,3 ميلليارد دوللاردى قۇرادى. ەكىنشى دەڭگەيدەگى بانكتەر قاراجاتىنىڭ ۆاليۋتالىق شوتتاردان ۇلتتىق بانككە اكەتىلۋىنە بايلانىستى ۇلتتىق بانكتىڭ التىن- ۆاليۋتا رەزەرۆتەرى جىل باسىنان باستاپ 1,7 پايىز نەمەسە 34,5 ميلليارد دوللارعا دەيىن تومەندەدى»، - دەدى ۇ ب ءتوراعاسىنىڭ ورىنباسارى.

ونىڭ دەرەگىنشە، ۇلتتىق قوردىڭ اكتيۆتەرى جىل باسىنان باستاپ الەمدىك يندەكستەردىڭ ءوسۋى سالدارىنان 7,4 پايىزعا نەمەسە 59,8 ميلليارد دوللارعا دەيىن ۇلعايدى.

«ۇلتتىق قوردان رەسپۋبليكالىق بيۋدجەتكە 2,1 تريلليون تەڭگە سوماسىنا ترانسفەرتتەر ءبولۋ ءۇشىن جىل باسىنان باستاپ ۇلتتىق قوردىڭ 3,5 ميلليارد دوللارعا ۆاليۋتالىق اكتيۆتەرى ساتىلدى. قورعا جىل باسىنان باستاپ تۇسكەن جيىنتىق قاراجات 2,6 تريلليون تەڭگەنى قۇرادى»، - دەدى ول.

ءبىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرى 1- جارتىجىلدىقتا 16,1 تريلليون تەڭگەگە دەيىن ۇلعايدى. بۇل تۋرالى ۇكىمەت وتىرىسىندا ۇلتتىق بانك ءتوراعاسىنىڭ ورىنباسارى ۆيتالي تۋتۋشكين ايتتى.

«ءبىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرى 1-جارتىجىلدىقتا 16,1 تريلليون تەڭگەگە دەيىن 9,9 پايىزعا ۇلعايدى، ينۆەستيتسيالىق كىرىس كولەمى 588,5 ميلليارد تەڭگە بولدى. زەينەتاقى اكتيۆتەرىنىڭ پورتفەلىن ءارتاراپتاندىرۋ جانە شەتەلدىك نارىقتاردا ينۆەستيتسيالاۋ ماقساتىندا 2023 -جىلدىڭ باسىنان باستاپ 1,3 ميلليارد دوللار ساتىپ الىندى»، - دەدى ۆيتاليي تۋتۋشين.

ونىڭ اتاپ وتۋىنشە، ۇلتتىق بانك سىرتقى جانە ىشكى نارىقتارداعى احۋالدىڭ دامۋىن قاداعالاي وتىرىپ، ماكروەكونوميكالىق تۇراقتىلىقتى قامتاماسىز ەتۋ جانە ينفلياتسيانى ودان ءارى تومەندەتۋ جۇمىسىن جالعاستىراتىن بولادى.

اۆتور:

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى