كارتوچكا ارقىلى جاسالعان تولەمدەر 2,6 ەسەگە ءوستى - ۇلتتىق بانك
بۇل وتكەن جىلدىڭ وسى كەزەڭىنە قاراعاندا، 2,6 ەسە ارتىق. بۇل تۋرالى ق ر ۇلتتىق بانكىنەن حابارلاندى.
بانك تاراتقان مالىمەتتەرگە قاراعاندا، ءساۋىر ايىندا توتەنشە جاعدايعا بايلانىستى ءبىرقاتار بيزنەس سۋبەكتىسى جۇمىسىن ۋاقىتشا توقتاتتى. سول سەبەپتى قولما- قول اقشاسىز وپەراتسيالار ءبىرشاما ازايدى. ءبىراق مامىر ايىنان باستاپ وپەراتسيالاردىڭ كولەمى ورتاشا ەسەپپەن اي سايىن % 12- عا ءوسىپ وتىردى. قولما- قول اقشانى شەشۋ وپەراتسيالارى كەرىسىنشە ازايىپ، كارتوچكالارمەن جۇرگىزىلگەن وپەراتسيالاردىڭ ۇشتەن ءبىر بولىگىنەن اسپادى. قازىردىڭ وزىندە ينتەرنەت- بانكينگ پەن بانكتەردىڭ موبيلدى قوسىمشالارى ارقىلى جۇرگىزىلگەن وپەراتسيالاردىڭ، ياعني ونلاين- وپەراتسيالاردىڭ ۇلەسى ۇلعايىپ كەلەدى.
ەگەر 2019 -جىلدىڭ 9 ايىندا ونلاين- وپەراتسيالار ۇلەسى % 67 بولسا، بيىل - %81. ورتاشا ەسەپپەن العاندا، 9 ايدا ونلاين تۇردە تولەم كارتوچكالارىمەن 68 ميلليارد تەڭگەدەن اسا قارجىعا 4 ميلليون ترانزاكسيا جۇرگىزىلگەن. جىل باسىنان- اق موبيلدى بانكينگ اۋديتورياسى تىم بەلسەندى بولدى. قاڭتار ايىندا ينتەرنەت- بانكينگتى بەلسەندى قولداناتىنداردىڭ سانى 8 ميلليون بولسا، قىركۇيەك ايىندا ول 12 ميلليونعا جەتتى.
«ءجيى قولدانىلاتىن تولەم كارتوچكالارىنىڭ سانى - 25 ميلليون. بۇل كارتوچكانىڭ بارلىعىن يەلەرى قىركۇيەك ايىندا ونلاين- تولەم جۇرگىزىپ قانا قويماي، قولما- قول اقشانى شەشۋ ءۇشىن دە قولداندى. بيىلعى 9 ايدا قازاقستاندىق بانكتەر 12 ميلليون تولەم كارتوچكاسىن شىعاردى»، - دەلىنگەن حابارلامادا.
