قازاقستاندىق «قازسات-2» جەر سەرىگى 69 پايىزدىق جۇكتەمەمەن جۇمىس ىستەۋدە
بۇگىن استانادا ءوتىپ جاتقان «قازاقستانداعى عارىش كۇندەرى» اتتى حالىقارالىق سەمينار بارىسىندا ينۆەستيتسيالار جانە دامۋ مينيسترلىگى ايروعارىش كوميتەتىنىڭ ءتوراعاسىنىڭ ورىنباسارى مەيىربەك مولدابەكوۆ وسىلاي ءمالىم ەتتى.
«قازىرگى تاڭدا «قازسات-2» عارىش اپپاراتى شتاتتىق رەجيمدە جۇمىس جاساۋدا. جەر سەرىگىنىڭ قازىرگى اتقارىپ وتىرعان جۇكتەمەسى 69 پايىزدى قۇرايدى. جالپى عارىش اپپاراتى قازاقستانداعى 12 سپۋتنيكتىك بايلانىس وپەراتورلارىنا سپۋتنيكتىك قامتىمدىلىق قىزمەتىن ۇسىنۋ بويىنشا قىزمەتتەر كورسەتىپ كەلەدى»، - دەدى م. مولدابەكوۆ.
ونىڭ ايتۋىنشا، قازىرگى كۇنى قازاقستانداعى جانە ءبىر «قازسات-3» جەر سەرىگى ءوزىنىڭ ۇشىرۋ- عارىشتىق سىناۋ جۇمىستارىن اياقتاۋعا جاقىن. ەسكە سالا كەتەيىك، اعىمداعى جىلدىڭ ساۋىرىندە جىبەرىلگەن «قازسات-3» «قازسات-2» - ءنى تولىقتىراتىن بولادى.
اۆتور: قانات مامەتقازى ۇلى
