كەشە 2,5 مىڭعا جۋىق قازاقستاندىق بانكروتتىققا ءوتىنىم بەردى

«3-ناۋرىزدا ازاماتتاردان بانكروتتىق تۋرالى ءوتىنىش قابىلداۋ باستالدى. ساعات 16:00 دەگى جاعداي بويىنشا بانكروتتىق تۋرالى سوتتان تىس 1469 ءوتىنىش كەلىپ ءتۇستى. ونىڭ ىشىندە eGov ارقىلى 1399، ال e-Salyq Azamat ارقىلى 70 ءوتىنىم بار. العاشقى ءوتىنىش ەلەكتروندى ۇكىمەت پورتالى ارقىلى جامبىل وبلىسىنان ساعات 09:05 تە كەلدى»، - دەلىنگەن حابارلامادا.

كىرىستەر كوميتەتى ۇسىنعان اقپاراتقا سايكەس، كەشكى ساعات 21:00 دەگى جاعداي بويىنشا ەل اۋماعىنان 2466 ءوتىنىش تۇسكەن.

بانكروتتىققا ءوتىنىش بەرۋ بويىنشا كوش باسىندا تۇركىستان وبلىسى تۇر (289 ءوتىنىش) . ودان ءارى 238 وتىنىشپەن الماتى قالاسى، ءۇشىنشى ورىنعا الماتى وبلىسى (227 ءوتىنىش) ورنالاسقان.

ايتا كەتسەك، بۇگىن ەلىمىزدە بانكروتتىققا ءوتىنىم قابىلداۋ باستالدى. اتالعان ءراسىم تۋرالى تولىعىراق وسى سىلتەمە ارقىلى تانىسۋعا بولادى.

سونداي- اق، بانكروتتىق جاريالاۋ قىزمەتى eGov.kz جانە eGov Mobile قوسىمشاسىندا قولجەتىمدى.

ودان بولەك، بانكروتتىق راسىمدەۋگە ءوتىنىش بەرۋدىڭ بەينەنۇسقاۋى جاريالاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى