ارت سپورت باعدارلاماسىنا بولىنگەن قاراجاتتىڭ 2,5 ميلليارد تەڭگەسى قولدى بولدى - ەربولات دوسايەۆ

كەزدەسۋ بارىسىندا اۋدان تۇرعىنى ۇيىرمەلەرگە قاتىستى ماسەلە كوتەردى.

«الاتاۋ اۋدانىندا 23 ىقشام اۋدان بار. بىردە- بىرەۋىندە مۋزىكا، سپورت، قولونەر مەكتەبى جوق. قالا ورتالىعىنا تاسۋ مۇمكىن ەمەس. سوندىقتان، ArtSport ماسەلەسىن شەشسەڭىزدەر»، - دەپ ءوتىنىش ءبىلدىردى ول.

اكىم بالالاردىڭ شىعارماشىلىعىن دامىتۋ ماسەلەسى شەشىمىن تاباتىنىن، سونداي- اق ArtSport باعدارلاماسى بويىنشا QR- كود ەنگىزىلەتىن جەتكىزدى.

«مەن ءوز باياندامامدا جازعا دەيىن جاڭا عيمارات اشىلاتىنىن ايتتىم. بالالاردىڭ باراتىن جەرى بولادى. كۇن سايىن 5 مىڭ بالا دەگەن از ەمەس. ال، ArtSport ماسەلەسى بويىنشا ەندى QR- كود قولدانىسقا ەنگىزىلەدى. سەبەبى، وتكەن جىلى الماتى قالاسىنا 20 ميلليارد تەڭگە بولگەنبىز. ونىڭ 2,5 ميلليارد تەڭگەسى قولدى بولىپ كەتتى. قازىر ءىس سوتتا قارالىپ جاتىر. جالپى، بالانىڭ ۇيىرمەگە قاتىسقان، قاتىسپاعانىن تەكسەرۋ ءۇشىن QR- كود كەرەك»، - دەدى ەربولات دوسايەۆ.

ايتا كەتسەك، بيىل بالالار ۇيىرمەلەرىنە 16 ميلليارد 200 ميلليون تەڭگە بولىنگەن، سونىڭ ىشىندە الاتاۋ اۋدانىنا 2 ميلليارد 300 ميلليون تەڭگە باعىتتالدى.

ەسكە سالايىق، الماتى اكىمى ەربولات دوسايەۆ ArtSport باعدارلاماسى قارجى ماسەلەسىنە بايلانىستى ۋاقىتشا توقتاتىلعانىن مالىمدەگەن بولاتىن.

سونداي- اق، الماتى قالاسى پروكۋرورىنىڭ ءبىرىنشى ورىنباسارى نۇرسۇلتان راقىشيەۆ ArtSport باعدارلاماسى بويىنشا 6 قىلمىستىق ءىس قوزعاۋعا نەگىز بار ەكەنى تۋرالى ايتقان ەدى.

اۆتور

دۋمان ارعىنگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى