الەمدە كوروناۆيرۋس انىقتالعان ادام سانى 2,5 ميلليوننان استى

الەمدە COVID-19 ۆيرۋسىنان 177424 ادام قايتىس بولدى، دەپ حابارلايدى قازاقپارات دجون حوپكينس ۋنيۆەرسيتەتىنىڭ رەسمي سايتىنا سىلتەمە جاساپ.

الەمدە اۋىر دەرتتەن 681477 ادام ساۋىققان. اسىرەسە ا ق ش، يتاليا، يسپانيا جانە تاعى ءبىرقاتار ەۋروپا ەلدەرىندە كوروناۆيرۋسقا قاتىستى جاعداي كۇردەلى. ىندەت جۇقتىرۋدىڭ ەڭ كوپ وقيعاسى ا ق ش-تا تىركەلگەن.

وندا 824438 ادامنان ۆيرۋس انىقتالدى، 75289 ادام دەرتتەن جازىلدى. پاندەميا باستالعاننان بەرى ەلدە 45042 دەن استام ادام كوز جۇمعان، بۇل رەتتە ۆيرۋستان ەڭ كوپ ادام نيۋ- يورك قالاسىندا قايتىس بولعان.

ەلدە ك ۆ ي تەكسەرۋ ءۇشىن 4155178 تەست جاسالدى. ادام ءولىمى سانى بويىنشا ەكىنشى ورىندا - يتاليا (24648 ادام). ەلدە ىندەت جۇقتىرعانداردىڭ جالپى سانى - 183957 ادام. 24648 ادام ۆيرۋستى جەڭىپ شىقتى. يسپانيا ەلى الەمدە كوروناۆيرۋس جۇقتىرۋ وقيعالارىنىڭ سانى بويىنشا ەكىنشى ورىندا. وندا اۋرۋ جۇقتىرۋدىڭ 204178 وقيعاسى راستالدى، 21282 ادام قايتىس بولدى. 21282 ادام جازىلىپ شىققان. فرانسيادا 159299 ادام اۋرۋعا شالدىققان. 20829 ى قايتىس بولدى. گەرمانيادا COVID-19 جۇقتىرۋدىڭ 148453 وقيعاسى تىركەلىپ، 5086 ادام كوز جۇمعان. بريتانيادا پاندەميا باستالعاننان بەرى ىندەت جۇقتىرۋدىڭ 130175 وقيعاسى تىركەلدى، 17378 ادام كوز جۇمدى، 640 ادام جازىلدى.

بۇرىن حابارلانعانداي، ۆيرۋس الەمگە تارالىپ، 11 ناۋرىزدا د د س ۇ COVID-19 كوروناۆيرۋسىن پاندەميا اتاعان. سوڭعى مالىمەتتەر بويىنشا، قازاقستاندا كوروناۆيرۋس جۇقتىرۋدىڭ 2025 وقيعاسى تىركەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى