قىتاي ارحەولوگتارى 2,5 مىڭ جىل بولعان جۇمىرتقا تاۋىپ الدى
قازبا جۇمىستارىنا قاتىسقان جوۋ حەنميننىڭ ايتۋىنشا، تابىلعان ساۋىتقا ارنايى رەنتگەن اپپاراتىمەن سارپتاما جاسالعان. ونداعى جۇمىرتقالاردىڭ بىرەۋى عانا بۇلىنگەن، قالعانى - ءبۇتىن. الايدا ىشىندەگى اقۋىز باياعىدا كەۋىپ قالعان.
قىتاي ارحەولوگتارى مۇنداي جۇمىرتقانى بۇعان دەيىن دە تاپقان، دەگەنمەن ولاردىڭ بارلىعى بۇلىنگەن بولاتىن. تەك 2015 -جىلى گۋيجوۋ پروۆينتسياسىندا 2 مىڭ جىل بۇرىنعى بۇلىنبەنەن ءبىر جۇمىرتقا تابىلعان. ونى ارنايى قىلقالاممەن تازالاۋ كەزىندە ول كۇلگە اينالىپ، جوق بولعان.
نانكين مۋزەيى ارحەولوگتارىنىڭ پايىمداۋىنشا، ليان قالاشىعىنداعى زيراتتا جۇمىرتقانى جاقسى كورەتىن ادام جەرلەنگەن بولۋى مۇمكىن. ياعني، ولگەن ادامدى ءسۇيىپ جەيتىن اسىمەن قوسىپ جەرلەگەن. ءارى قىتايلىقتار جۇمىرتقانى جاڭا ءومىردىڭ باستاۋى دەپ سانايدى.
