الماتى اۋەجايى 2,5 ەسە ۇلعايادى
«2017 -جىلعا دەيىن الماتى اۋەجايىنىڭ جاعدايى ناشار بولدى. اۋا رايىنىڭ ناشارلىعىنان جىلىنا 200 رەيس بوگەلىپ قالاتىن. اۋەكومپانيالاردىڭ شىعىنى 1 ميلليارد تەڭگەگە دەيىن جەتسە، 30 مىڭعا جۋىق جولاۋشى ىسكەرلىك كەزدەسۋلەر مەن وتباسىلىق شارالاردان كەشىككەن» ، - دەيدى ول.
ونىڭ ايتۋىنشا، مۇنداي پروبلەمانى كەزىندە گەلمۋت شميد (گامبۋرگ، گەرمانيا) ، اۋرەل ۆلايك (بۋحارەست، رۋمىنيا) ، دون مۋانگ (بانگكوك، تايلاند) سياقتى الەمنىڭ تانىمال اۋەجايلارى دا باسىنان وتكەرگەن.
جۇكتەمە جوعارىلىعىن شەشۋ ءۇشىن ولار ۇشۋ- قونۋ جولاقتارى قايتا جاساپ، تەرريتورياسى كەڭەيتكەن ءارى جاڭا تەرمينالدار اشىلعان. ناتيجەسىندە تەكسەرۋ وتكىزۋ قابىلەتى ەكى ەسەگە ارتىپ، تۋريستەردىڭ قوسىمشا لەگىن قابىلدايتىن جاعدايعا جەتكەن.
«الماتى اۋەجايىنىڭ قىزمەت كورسەتۋ ساپاسىن ارتتىرۋ ماقساتىندا سوڭعى ەكى جىلدا ءبىر قاتار ىستەر اتقارىلدى. ەكى ۇشۋ- قونۋ جولاعىنا جوندەۋ جۇمىستارى جاسالدى. جالعامالى ءرولدى جولاقتار تۇرعىزىلدى. زاماناۋي اۋەناۆيگاتسيالىق جانە جارىق بەلگى بەرەتىن جابدىقتار قويىلدى. جەكە كومپانيا تاراپىنان بولىنگەن ينۆەستيتسيانىڭ مولشەرى 8 يلليارد تەڭنەنى قۇرادى. 2018 -جىلدىڭ جەلتوقسانداعى جاعداي بويىنشا اۋا رايىنىڭ قولايسىزدىعى كەزىندە بورتتاردى قابىلداۋ مۇمكىندىگى ارتىپ، تەكسەرۋدەن وتكىزۋ قابىلەتى 2,5 ەسەگە ارتتى. ساعاتىنا 8-20 دەيىن ۇشاق قابىلدايدى» ، - دەيدى ە. اۋكەنوۆ.
ول اۋەجايدى جاقسارتۋ جۇمىستارى مۇنىمەن بىتپەيتىندىگىن ايتا كەلە، جاڭا قۇرىلىس جۇرگىزۋ ارقىلى قازىرگى اۋەجايدىڭ عيماراتىن 2,5 ەسەگە ۇلعايتۋ تۇجىرىمداماسى ازىرلەنگەندىگىن جەتكىزدى.
«بۇل جىلىنا 13 ميلليون جولاۋشىنى قابىلداۋعا مۇمكىندىك بەرەدى. ەكى تەلەسكوپتى ترامپپەن قامتىلىپ، اۆتوتۇراق ەكى مىڭ ورىنعا دەيىن كەڭەيتىلەدى» ، - دەيدى ول.
سونىمەن قاتار، بورتتاعى تاماقتانۋدى قامتاماسىز ەتەتىن جاڭا سەحتىڭ جوباسى اياقتالىپتى. ونىڭ كۇشى تاۋلىگىنە 15 مىڭ پورتسيا تاماق بەرۋگە دەيىن جەتەدى. بۇل قازىرگىدەن 2,5 ەسەگە كوپ.
Baq.kz
