قازاقستاندا ونەركاسىپ ونىمدەرى جىل باسىنان بەرى 2,5 پايىز قىمباتتادى

ق ر ۇلتتىق ەكونوميكا مينيسترلىگى ستاتيستيكا كوميتەتى كەلتىرگەن مالىمەتكە سايكەس، جىل باسىنان بەرى قايتا وڭدەۋ ونەركاسىبىندەگى ءوندىرۋشى- كاسىپورىنداردا باعالار 3,1 پايىزعا، ال تاۋ-كەن وندىرىسىندە 2 پايىزعا كوتەرىلگەن. وندىرىلگەن ونەركاسىپتىك ءونىم 2,2، ال ونەركاسىپتىك ماڭىزداعى قىزمەتتەر 5,8 پايىزعا قىمباتتاعان.

ەسەپ بەرىلگەن كەزەڭدە ديزەلدىك وتىن 7,4، تابيعي گاز 7,2، كومىر 6,2، مەتالل كەنى 3، مۇناي مەن مازۋت 1,5، تومەندەتىلگەن پروپان مەن بۋتان 0,9 پايىزعا قىمباتتاعان. سونىمەن قاتار، باعانىڭ ءوسىمى فەرروقورىتپادا 16,2، مىرىشتا 4,3 پايىزدى، قارا مەتالداردىڭ پروكاتىندا 4,1، قورعاسىندا 1 پايىزدى كورسەتسە، اسىل مەتالدار 1,1، اليۋمينيي 1 پايىزعا ارزانداعان.

وندىرۋشىلەر تاراپىنان باعالاردىڭ ءوسىمى تۇرعىسىنان شايدىڭ 4,4، كۇنباعىس مايى 3,8، كۇرىش 0,8 پايىزعا، ءسۇت ونىمدەرى مەن سيىر ەتى 0,5، قانت 0,3، نان 0,2 پايىزعا قىمباتتاعانىن، ال ءبيداي ۇنى 5،2، جارما 2،6، قۇس ەتى 1،1، ماكارون ونىمدەرى 0،8 پايىزعا ارزانداعانىن باقىلاۋعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى