نەيمار برازيليا سالىقشىلارىنا 2,5 ميلليون دوللار ايىپپۇل تولەۋگە كەلىستى
بۇل جايلى سپورتشىنىڭ قورعاۋشىسىنا سىلتەمە جاساعان France-Presse اگەنتتىگى حابارلايدى.
«بۇل ءىس ءۇش جىلدان ۇزاق ۋاقىتقا سوزىلىپ كەتتى، ال ءبىز بار بولعانى العا قاراي جىلجىعىمىز كەلەدى، - دەدى قورعاۋشى ماركوس نەدەر.
2015 -جىلدىڭ قىركۇيەك ايىندا برازيليانىڭ سالىق ورگاندارى نەيماردىڭ 55,7 ميلليون دوللارعا باعالانعان مۇلكىن تاركىلەگەن بولاتىن. ولاردىڭ ايتۋىنشا، بۇل 2011-2013 -جىلدارى سپورتشى تاراپىنان تولەنبەگەن سالىق جانە جينالىپ قالعان پايىزدىق ۇستەمەلەر مەن ايىپپۇلداردى وتەۋگە ءتيىس بولعان. كوپتەگەن سوت وتىرىستارى بارىسىندا نەيمار مىندەتتى تولەمدەر كولەمىن ءبىرشاما ازايتتى. ەندىگى ۋاقىتتا سالىقشىلاردى فۋتبولشى جانە ونىڭ وكىلدەرى ۇسىنىپ وتىرعان سوما قارىز كولەمىن وتەۋگە جەتە مە، سونى شەشۋ ماسەلەسى كۇتىپ تۇر.
ايتا كەتەيىك، بيىلعى جىلدىڭ جازىندا نەيمار يسپاندىق «بارسەلونادان» الەمدىك فۋتبول ءۇشىن ەڭ جوعارى رەكوردتىق سوما - 222 ميلليون دوللار ۇسىنعان فرانسۋزدىق «پاري سەن- جەرمەن» كلۋبىنا وتكەن بولاتىن.
