ساۋد ارابياسى قاقتىعىستار باستالعالى بەرى شامامەن 2,5 ميلليون سيريالىق ازاماتتاردى قابىلدادى - ساۋد ارابياسى كورولدىگىنىڭ س ءى م وكىلى
ساۋد ارابياسى قازىرگى قيىن جاعدايدا سيريالىق باۋىرلاس حالىققا كومەك كورسەتىپ جاتقانىن ءدىني جانە گۋمانيتارلىق قۇندىلىقتارعا بايلانىستى ونى جاريالاۋدى قالاماعان ەدى. ويتكەنى، ساۋد ارابياسى بۇل كومەكتەردى بۇقارالىق اقپارات قۇرالدارىندا جاريالاپ، ماقتانۋ ءۇشىن جاساپ وتىرعان جوق. الايدا، كەيبىر اقپارات قۇرالدارى تاراپىنان ساۋد ارابياسى جەتكىلىكتى دەڭگەيدە كومەك كورسەتپەي وتىر دەگەن ايىپتاۋلارىنا جاۋاپ رەتىندە ساك سيريالىق بوسقىندارعا قانداي كومەك كورسەتىپ جاتقانى جايىندا مالىمەتتەر كەلتىرۋدى دۇرىس دەپ تاپتى.
س ا ك- نىڭ سيريالىق بوسقىندارعا كورسەتكەن كومەكتەرى تومەندەگىدەي:
- سيرياداعى داعدارىس باستالعالى بەرى ساۋد ارابياسى شامامەن 2,5 ميلليون بوسقىندى قابىلدادى. ولارعا بوسقىن رەتىندە قارىم- قاتىناس جاساعان جوق، ولاردى بوسقىندار لاگەرلەرىنە ورنالاستىرمادى، كەرىسىنشە، ولارعا تولىق ەركىندىك بەرىلىپ، ءجۇز مىڭداعان سيريالىق ازاماتقا ىقتيارحاتتار بەرىلدى، ونىڭ ىشىنە تەگىن مەديتسينالىق قىزمەتتەر مەن وقۋعا، جۇمىسقا ورنالاسۋعا رۇقسات بەرىلدى. 2012 ج. شىققان س ا ك كورولىنىڭ جارعىسىنا سايكەس، 100 مىڭنان اسا سيريالىق بالالار مەكتەپكە قابىلداندى.
- س ا ك-تىڭ گۋمانيتارلىق كومەگى تەك سيريالىق ازاماتتاردى قابىلداۋمەن شەكتەلگەن جوق. سونىمەن قاتار، يوردانيا، ليۆان سياقتى باسقا ەلدەرگە قونىس اۋدارعان ميلليونداعان سيريالىقتارعا قولداۋ كورسەتىلدى. سول ەلدەرمەن جانە حالىقارالىق قۇتقارۋ ۇيىمدارىمەن بىرلەسىپ، گۋمانيتارلىق كومەكتەر كورسەتىلدى.
- س ا ك- تىڭ سيريالىق باۋىرلارعا كورسەتكەن كومەكتەرىنىڭ مولشەرى شامامەن 700 ميلليون دوللارعا جەتتى. بۇل ستاتيستيكا 2015 ج. 31- ناۋرىز ايىندا كۋۆەيت مەملەكەتىندە وتكەن كومەك كورسەتۋشى ەلدەردىڭ ءۇشىنشى حالىقارالىق كونفەرەنسياسىندا ايتىلعان بولاتىن. ول كومەكتەردىڭ ىشىنە ۇكىمەتتىك كومەكتەر جانە حالىق تاراپىنان جاسالعان ناۋقاندار كىرەدى. سول حالىقتىق ناۋقانداردىڭ ءبىرى 2002 -جىلى «سيرياداعى باۋىرلارعا قومەك كورسەتۋ ۇلتتىق ناۋقانى» دەپ اتالدى.
- گۋمانيتارلىق كومەكتەردىڭ ىشىندە ازىق- تۇلىك ونىمدەرى، ءدارى- دارمەك، ۇيگە، ءبىلىم الۋعا قاجەتتى جابدىقتار تاراتىلدى. سونداي- اق، بوسقىنداردىڭ لاگەرلەرى جانىنان، اتاپ ايتار بولساق، حاشيميتتىك يوردانيا كورولدىگىندەگى ءاز- زااتاري جانە شەكارالارعا جاقىن ورنالاسقان لاگەرلەر جانىنان مامانداندىرىلعان ساۋدتىق ەمحانالار سالىندى. ولارعا ءدارى- دارمەكتەر بەرىلىپ، حيرۋرگيالىق وپەراتسيالار جاسالىندى جانە پروفيلاكتيكالىق كومەكتەر كورسەتىلدى. وعان قوسا، سيريا، ليۆانداعى سيريالىق مۇقتاج وتباسىلارعا كوپتەگەن ۇيگە قاجەتتى جابدىقتار بەرىلدى.
س ءى م- ءنىڭ مالىمدەمەسىنىڭ سوڭىندا، ساۋد ارابياسى سيريا حالقىنا قولداۋ كورسەتۋشى ەلدەردىڭ ءارقاشان الدىڭعى قاتارىندا بولاتىندىعىن جانە گۋمانيتارلىق كومەكتەرىن جالعاستىراتىنىن مالىمدەدى. بۇل جايىندا ساۋد ارابيا ۇستانىمىنا ەشقانداي كۇمانمەن قاراۋعا بولمايتىندىعىن اتاپ كورسەتتى.
