مەديتسينالىق ساقتاندىرۋ: ەلوردالىقتار قاراشا ايىندا 2,4 ميلليارد تەڭگە جارنا اۋدارعان
وسى جىلدىڭ قاراشا ايىندا 2,4 ميلليارد تەڭگە ءتۇستى. ولاردىڭ قوماقتى بولىگى - 1,5 ميلليارد تەڭگە جۇمىس بەرۋشىلەردىڭ اۋدارىمدارى، ال 916 ميلليون تەڭگەدەن استامى - جەكە كاسىپكەرلەردەن تۇسكەن جارنالار»، - دەپ حابارلايدى «الەۋمەتتىك مەديتسينالىق ساقتاندىرۋ قورى» ك ە ا ق نۇر-سۇلتان قالاسى بويىنشا فيليالىنىڭ باسپا ءسوز قىزمەتى.
سونداي-اق، 2020-جىلعى 30- قاراشاداعى جاعداي بويىنشا، م ءا م س ءۇشىن ءبىرىڭعاي جيىنتىق تولەم (ب ج ت) نەگىزىندە تۇسكەن جارنا 6,5 ميلليون تەڭگەنى قۇرايدى. ءبىرىڭعاي جيىنتىق تولەم جاساۋ - الەۋمەتتىك جانە مەديتسينالىق ساقتاندىرۋ جۇيەسىنە قاتىسۋعا قۇقىق بەرەدى.
ەلوردالىق جۇمىس بەرۋشىلەر مەن جەكە كاسىپكەرلەردىڭ 2017-جىلدىڭ 1- شىلدەسى مەن 2020-جىلدىڭ 30- قاراشاسى ارالىعىندا مىندەتتى الەۋمەتتىك مەديتسينالىق ساقتاندىرۋ ءۇشىن اۋدارعان جارنالارىنىڭ جالپى سوماسى 54,7 ميلليارد تەڭگەنى قۇرايدى.
مەديتسينالىق ساقتاندىرۋ قورى پاتسيەنتتەر قۇقىعىن قورعايدى. سوندىقتان ازاماتتاردى ءموبيلدى قوسىمشالاردا ءوز دەرەكتەرىن تەكسەرۋگە جانە سايكەسسىزدىكتەر انىقتالعان جاعدايدا قوردىڭ ەلوردالىق فيليالىنا حابارلاۋعا شاقىرامىز. سونداي-اق، 1406 تەلەفونىنا نەمەسە Qoldau 24/7 موبيلدى قوسىمشاسى ارقىلى بايلانىسۋعا بولادى.
الەۋمەتتىك مەديتسينالىق ساقتاندىرۋ قورىنىڭ Qoldau-24/7 موبيلدى قوسىمشاسى Android سمارتفوندارى ءۇشىن Play Market ارقىلى، Apple سمارتفوندارى ءۇشىن App Store ارقىلى جۇكتەلەدى.
ازاماتتاردان كەلىپ تۇسكەن بارلىق وتىنىشتەر وڭدەلىپ، تىركەۋ نومىرىمەن وتىنىشتەر تىزىلىمىنە تۇسەدى. تۇرعىندار تاراپىنان تۇسكەن وتىنىشتەرگە مونيتورينگ جۇرگىزىلەدى، قاجەت بولعان جاعدايدا بەلگىلەنگەن مەرزىمدە شەشىم قابىلداۋ ءۇشىن ساراپتامالىق باعالاۋعا جىبەرىلەدى.
