سەناتور 2-3 مىڭ ستۋدەنتى بار ۋنيۆەرسيتەتتەردى جابۋعا كەڭەس بەردى

«ەلىمىزدەگى 17 ميلليون حالىققا 127 جوعارى وقۋ ورىنى ءبىلىم بەرۋدە، ولاردىڭ 72 ءسى جەكەمەنشىك. جوعارى ءبىلىم بەرۋ سالاسى ەڭ مىقتى دامىعان ۇلى بريتانيادا 63 ميلليون حالىققا نەبارى 89 ج و و بار. سوندىقتان ءبىز ج و و سانى جونىنەن الەمنىڭ العاشقى وندىعىنا كىرەمىز، ال ساپاسى جونىنەن ويلاناتىن ماسەلە وتە كوپ»، - دەيدى ول.

دەپۋتاتتىڭ ايتۋىنشا، دامىعان مەملەكەتتەردە جوعارى ءبىلىمدى ماماندار قانشا كەرەك، قاي سالاعا قاجەت دەگەن مالىمەتەردى زەرتتەپ، رەتتەپ وتىراتىن ارنايى ينستيتۋتتار جۇمىس جاسايدى.

«ال ءبىزدىڭ ەلىمىزدە ونداي قىزمەت ازىرگە جوق. قازىر ەلىمىزدەگى جاستاردىڭ 63 پايىزى جوعارى وقۋ ورىندارىندا بولسا، نەبارى 17 پايىزى كاسىپتىك تەحنيكالىق كوللەدجدەردە، ليتسەيلەردە وقيدى. ال 20 پايىزدايى ەش جەردە وقىمايدى. بۇل ۇلكەن پروبلەما»، - دەيدى م. باقتيار ۇلى.

ونىڭ مالىمەتى بويىنشا، قازىرگى كەزدە ەلىمىزدەگى ج و و- لاردىڭ 82 ءسى ۋنيۆەرسيتەت ەكەن.

«وزدەرىڭىز بىلەسىزدەر، كەزىندە قازاقستاندا ەكى-اق ۋنيۆەرسيتەت ەلىمىزدىڭ بارلىق وڭىرلەرىنە جوعارى ءبىلىمدى مامانداردى دايىنداپ جىبەرىپ وتىردى. ۋنيۆەرسيتەتتەردە 10 مىڭنان كوپ ستۋدەنت بولۋ كەرەك. سوندىقتان 2-3 مىڭداي عانا ستۋدەنتى بار قازىرگى «ۋنيۆەرسيتەتتەردى» ستاتۋسىنان ايىرىپ، تيىسىنشە اكادەميالار، ينستيتۋتتار قىلىپ قايتا قۇرۋ تۋرالى زاڭدارعا تولىقتىرۋلار مەن تۇزەتۋلار ەنگىزۋ كەرەك»، - دەيدى سەناتور.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى