عالىمدار: كۇنىنە 2-3 كەسە شاي ءىشۋ ادامنىڭ سۇيەكتەرىنە اسا پايدالى
شاي ءىشۋ ەر ادامدار ءۇشىن دە، ايەل ادامدار ءۇشىن دە اسا پايدالى بولىپ شىقتى، ول سۇيەكتىڭ سىنۋ قاتەرىن 37 پايىزعا ازايتادى. وكىنىشكە وراي، كوفەنىڭ مۇنداي قاسيەتتەرى بايقالمادى، دەپ حابارلايدى Kedem.
عالىمدار الدىندا جۇرگىزىلگەن 14 زەرتتەۋدىڭ قورىتىندىلارىنا تالداۋ جاساپ، ادامنىڭ تاماقتانۋى مەن سۇيەگىنىڭ سىنعىشتىعى اراسىنداعى بايلانىستى انىقتادى.
200 مىڭ ادامعا جۇرگىزىلگەن زەرتتەۋ مالىمەتتەرى بويىنشا شايدى ءسۇيسىنىپ ىشەتىندەردىڭ اراسىندا سۇيەك سىنعىشتىعى ازاياتىنى ءمالىم بولدى. ياعني، كۇنىنە 1-2 كەسە شاي ىشكەن جانداردا بۇل قاتەر 28%- عا، 2-3 كەسە شاي ىشكەندەردىڭ اراسىندا - 37%- عا، ال 3-4 كەسە شاي ىشكەندەردىڭ اراسىندا - 21%- عا تومەندەگەن.
ازىرگە ماماندار 2-3 كەسە شايدىڭ سۇيەككە نەگە مۇنشالىقتى پايدالى ەكەنىن ناق باسىپ ايتا المايدى، سەبەبى ول ءۇشىن قوسىمشا زەرتتەۋلەر جۇرگىزۋ قاجەت. تەك، ولاردىڭ بولجامىنشا، وسىناۋ سۋسىن قۇرامىنداعى فلاۆونويدتار جاڭا سۇيەك ءتىنىنىڭ تۇزىلۋىنە سەپتەسەدى ەكەن. ءارى شايداعى فتوريد، كالتسيي مەن مينەرالدار دا سۇيەكتى نىعايتىپ، مىقتى ەتەدى.
