الداعى 2-3 جىل بويى الەمدىك ەكونوميكا جاساندى وتىمدىلىكتەن زارداپ شەگەدى
ونىڭ ايتۋىنشا، مۇنداي ەكىۇشتىلىق جاعدايدان قازاقستان ەكونوميكاسى دا زارداپ شەگەدى.
«قازىر قارجىلىق اكتيۆتەردىڭ شارىقتاپ ءوسۋى نەگىزىنەن الەم ەلدەرىنىڭ ورتالىق بانكتەرىنىڭ اقشانى كوپتەپ شىعارۋىنان ورىن الىپ وتىر. وسىنىڭ سالدارىنان الەمدە عالامات جاساندى وتىمدىلىك پايدا بولدى. قولدان جاسالعان بۇل جاساندى اكتيۆتەر قالاي پايدا بولدى، سولاي عايىپ بولادى. بۇدان بارلىعىمىز دا قاۋىپتەنۋىمىز كەرەك»، - دەدى د. رودجەرس.
اتاقتى ينۆەستور بۇل تۇرلاۋسىزدىقتان نەگىزىنەن ءىرى ەكونوميكالار، ياعني دامىعان ەلدەر زارداپ شەگەتىندىگىن ايتتى.
«بۇل جەردە قازاقستاننىڭ كورشىلەرى رەسەيدىڭ جانە قىتايدىڭ ەكونوميكاسىنا اۋىر تيەدى. ال قازاقستان باسقا ەلدەرگە قاراعاندا از زارداپ شەگەدى دەپ ويلايمىن. ويتكەنى قازاقستانعا تارتىلعان قارجىلىق اكتيۆتەر، ينۆەستيتسيا كولەمى باسقا دامىعان ەلدەرگە قاراعاندا اسا ۇلكەن ەمەس. سوندىقتان بۇل جاعدايدا قازاقستانعا كەرىسىنشە، جاڭادان مول ينۆەستيتسيا تارتىلادى دەگەن سەنىمدەمىن. وعان قوسا، مۇناي باعاسى دا تومەندەي قويمايدى دەپ ويلايمىن»، - دەدى ينۆەستور.
اۆتور: جاپپاربەرگەن ايبوتا
