شۇعىل: استانادا نوسەرلى جاڭبىردىڭ سالدارىنان 2 ادام مەرت بولىپ، تاعى 3 ەۋى جاراقاتتاندى

استانا قالالىق توتەنشە جاعدايلار دەپارتامەنتىنىڭ باسپاءسوز حاتشىسى بيبىگۇل ەسماعانبەتوۆانىڭ ايتۋىنشا، قازىرگى ۋاقىتتا قالا بويىنشا 3 توتەنشە وقيعا تىركەلگەن.

اتاپ ايتقاندا، ابىلاي حان كوشەسى بويىنداعى تۇرعىن ۇيگە كران قۇلاعان. ابىروي بولعاندا توتەنشە وقيعا سالدارىنان ەشكىم زارداپ شەككەن جوق، تەك تۇرعىن ءۇي ايتارلىقتاي زاقىمداندى.

«قايعىلى وقيعا زارەچنىي اۋىلىندا ورىن الىپ، وكىنىشكە قاراي ءبىر ادام قازا تاپتى. سونىمەن قاتار «موتيۆ-نس» ج ك س-نىڭ اۋماعىندا كران قۇلاپ، 1 ادام قازا تاپتى، تاعى ەكى جۇمىسشى زارداپ شەكتى»، - دەدى.

ونىڭ اتاپ وتۋىنشە، 112 قىزمەتىنە قالا تۇرعىندارىنان كوپتەگەن قوڭىراۋلار تۇسۋدە. «ساعات 19:00 دەگى جاعداي بويىنشا، 70 تەن استام قوڭىراۋ كەلىپ ءتۇستى. جەدەل اقپاراتتار وڭدەلۋدە، توتەنشە وقيعا ورنىنا ماماندار جىبەرىلۋدە»، - دەدى ول.

اۆتور: مارلان جيەمباي 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى