الماتىدا 2 كۇن ىشىندە قوعامدىق كولىكتەر 366 رەت جول ەرەجەسىن بۇزدى

ەكى كۇن ىشىندە قوعامدىق كولىك جۇرگىزۋشىلەرى 366 رەت جول ەرەجەسىن بۇزعان.

بۇل تۋرالى قالالىق ءى ءى د باسپا ءسوز قىزمەتى حابارلادى.

اتاپ ايتقاندا، 116 جۇرگىزۋشى جولدا قاۋىپتى بۇرىلىستار جاساعان. 64 جۇرگىزۋشى تەلەفونمەن سويلەسىپ، 9 ى جاياۋ جۇرگىنشىلەردى وتكىزبەگەن. 9 جۇرگىزۋشى جىلدامدىقتى شامادان تىس ارتتىرسا، 8 ادام كولىكتى رۇقساتسىز جابدىقتاعان، 8 جۇرگىزۋشى رۇقساتسىز جولاۋشى تاسىمالداعان، 4 اۆتوبۋستىڭ تەحنيكالىق قاراۋ قاعازى جوق بولىپ شىقتى.

قالالىق اۆتوپاركتىڭ 1 لاۋازىمدى تۇلعاسى كولىكتى قاجەتتى تەحنيكالىق قاراۋسىز پايدالانۋعا بەرگەنى ءۇشىن اكىمشىلىك جاۋاپكەرشىلىككە تارتىلدى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى