قازاقستاندىق ءانشى 2.2 ميلليون رۋبل مەن «كورەرمەندەر كوزايىمىن» يەلەندى

كەدزو حرۋستالدان جاسالعان تولقىن تۇرىندەگى مۇسىنشەنى جانە 3.5 ميلليون رۋبلدى يەلەندى، دەپ حابارلايدى ر ي ا نوۆوستي.

ەسكە سالا كەتەيىك، بيىل بۇل بايقاۋدا قازاقستاننىڭ نامىسىن ەكى قاتىسۋشى: ءانشى Ademi جانە VoiceKZ توبى قورعادى.

جاس انشىلەر بايقاۋىنىڭ قورىتىندىسى بويىنشا قازاقستاندىق ءانشى Ademi يندونەزيالىق ءانشى Millane Fernandez-بەن ەكىنشى ورىندى ءبولىستى. ەكەۋى دە ءۇش كۇندە 279 ۇپاي جيعان، ال VoiceKZ كۆارتەتى 271 ۇپايمەن رەيتينگتە ءۇشىنشى ورىننان سەگىزىنشىگە ءتۇستى.

ال ءۇشىنشى ورىندى جانە 1,3 ميلليون رۋبلدى ۋكراينالىق The Pringlez توبى الدى.

وسىلايشا، Ademi 2,2 ميلليون رۋبل مەن «كورەرمەندەر كوزايىمى» سىيلىعىن يەلەندى. Ademi، شىن اتى ءجونى دينارا قايىروۆا، الماتى تۇرعىنى - حالىقارالىق قاتىناستار جانە حالىقارالىق تۋريزم سالاسىنداعى جوعارى بىلىكتى مامان. ۆارناداعى (بولگاريا)، رەسەيدەگى («رەسەي جۇلدىزى»)، يسپانياداعى حالىقارالىق مۋزىكالىق بايقاۋ لاۋرەاتى، سوچيدەگى «ەۋروپا ءۇمىتى» حالىقارالىق مۋزىكالىق بايقاۋىنىڭ ەكىنشى سىيلىعىنىڭ لاۋرەاتى. مالتا، اۆستريا، گەرمانيا، يتاليا جانە چەحياداعى ءتۇرلى حالىقارالىق مۋزىكالىق فەستيۆالدەرگە قاتىسقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى