فۋتبول: «استانا»-«گالاتاساراي» ماتچى: ەسەپ 2:2 تەڭ اياقتالدى - فوتو

ەڭ قىزىعى، بۇگىنگى ماتچتا فۋتبولدا كەزدەسەتىن كەلەڭسىز جايت ورىن الدى: ەكى كوماندا ويىنشىلارى دا ءبىر-بىرىنە اۆتوگول سالىپ الدى.

ءبىرىنشى تايمدا 0:1 ەسەبىمەن جەڭىلىپ جاتقان «استانا» ەكىنشى تايمدا قاتارىنان ەكى گول سالدى. قارسىلاستىڭ قاقپاسىنا كىرگەن العاشقى دوپتى استانا ويىنشىسى دجۋنيور كابانانگا قاقپاعا قاراي تەپكەندە، «گالاتاساراي» ويىنشىسى حاقان بالتانىڭ اياعى ءوز قاقپاسىنا گول كىرگىزدى.

ءبىراق، ماتچتىڭ ەكىنشى تايمىندا «استانا» كومانداسىنىڭ قاقپاشىسى نەناد ەريچ تە ءوز قاقپاسىنا ءوزى گول كىرگىزىپ، «گالاتاساراي»- عا ەكىنشى گول سىيلادى. ەكىنشى تايم باستالا سالا قارسىلاسىنىڭ قاقپاسىنا شابۋىلدى ۇدەتكەن «استانا»- نىڭ وفسايدتاعى ءبىر گولى سانالماي دا قالدى. الايدا، ويىننىڭ سوڭعى مينۋتتارىندا روحەر كانياستىڭ تەپكەن دوبى «گالاتاساراي» قاقپاسىنان تابىلدى دا، ەسەپ 2:2 گە تاڭەستى.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى