قىتايلىق اسپاز 2 ساعاتتا 216 قويدىڭ ەتىن ءپىسىرىپ، گيننەستىڭ رەكوردتار كىتابىنا ەندى
ەتتەن الۋان ءتۇرلى تاعام پىسىرەتىن بۇل ادام جۋىردا 216 قويدىڭ جىلىكتەلمەگەن تۇتاس ەتىن ءبىر ۋاقىتتا قاقتاپ ءپىسىرىپ، الەمدىك رەكورد جاسادى. ءتىپتى ونىڭ بۇل جەتىستىگىن ۇلى بريتانيادان كەلگەن گيننەستىڭ رەكوردتار كىتابىنىڭ وكىلى رەسمي تۇردە تىركەپ الدى.
بۇل ءۇشىن ابين ناننين قالاسىنىڭ ورتالىق پاركىندەگى الاڭعا ورناتىلعان ارنايى تەمىرلەرگە 216 قويدىڭ بولشەكتەنبەگەن تۇتاس ەتىن جانشىپ قويىپ، ءتۇرلى دامدەۋىشتەر مەن مايدى جاعىپ شىقتى. ارتىنشا ەت بىرتەگىس قاقتالۋى ءۇشىن اۋدارىستىرىپ تۇردى. جالپى اسپازدىڭ ەتتى پىسىرۋىنە 2 ساعاتقا جۋىق ۋاقىتى كەتكەن، دەپ حابارلايدى cri.cn-عا سىلتەمەمەن 24.kz.
