تانىمال ازىلكەش 2 عانا سۇراق قويىپ، 17 مىڭ جۇپتى اجىراتتى
ەرەكشە باعدارلاما ۇسىنعان ازىلكەشتىڭ ايتۋىنشا، ونىڭ ويى شىن ماحابباتقا ەش اسەر ەتپەيدى. ءبىراق، ەگەر ادام ءوزىنىڭ قازىرگى قارىم- قاتىناسىندا قاتەلىكتەر جىبەرەتىن%80 ادامداردىڭ قاتارىندا بولسا، ول بۇل مونولوگتا ۇسىنىلعان سۇراقتارعا مىندەتتى تۇردە جاۋاپ بەرۋى كەرەك.
دەنيەلدىڭ ءسوزى سونشالىقتى تەڭدەسى جوق رەزونانس تۋدىرعاننان كەيىن، ول وزدەرىنىڭ قارىم- قاتىناسىن ءوزى جويعان نەمەسە ءوز تاعدىرىن ساقتاپ قالعان ادامدار سانىن ەسەپتەي باستادى. قىسقا ۋاقىتتىڭ ىشىندە بۇل كورسەتكىش 17 مىڭعا جەتتى.
سلوسس ءوز سوزىندە جالعىزدىقتىڭ ستيگماتيزاتسياسى تاقىرىبىن تالقىلادى. ءسويتىپ، ازىلكەش ءار ادامنىڭ بالالىق شاقتان باستاپ وسى ويمەن ءوسىپ كەلە جاتقاندىعىنا ءتۇرلى دالەلدەر كورسەتىپ، 7 جاسىندا ءومىردىڭ ماعىناسىن ادەمىلەپ تۇسىندىرگەن اكەسىنىڭ ءسوزىن كەلتىرەدى. اكەسى وعان:
«ال، دوستىم. ءاربىر ادامنىڭ ءومىرى سۋرەت بولىپ قۇراستىرىلاتىن پازل دەپ ەلەستەتىپ كور. ال ءبىز ءومىر بويى بۇل پازلدى ەڭ ۇزدىك نۇسقاعا قول جەتكىزگەنگە دەيىن تاجىريبە مەن ومىردەن ساباق الىپ جينايمىز. ءبىراق، اڭگىمە سەنىڭ ول پازلدىڭ قورابىن جوعالتىپ قويۋىڭدا بولىپ تۇر. ال ەشكىم الدا نە بولاتىنىن بىلمەيدى، سوندىقتان ءبىز جورامالداپ جۇرەمىز. مۇندا سۋرەتتى پازلدىڭ قورابىنسىز جيناۋدىڭ ەڭ جاقسى جولى - ءتورت شەتىنەن جيناۋ: 1-وتباسى، 2- دوستار، 3-حوببي، 4-جۇمىس. ولاردىڭ جاعدايى ۋاقىت وتە وزگەرەدى. كەيدە سەن جاڭا دوستار تاباسىڭ جانە ەسكى تانىستارىڭمەن بايلانىس جوعالتاسىڭ. كەيدە جۇمىس حوببيىڭا كەدەرگى كەلتىرەدى، ال سەن بولىكتەردى جىلجىتۋ ارقىلى نەنى كوبىرەك قالايتىنىڭدى شەشۋىڭ كەرەك. كەيدە وتباسىڭدا بىرەۋ ومىرىڭە ۇلكەن ويىق قالدىرىپ، قايتىس بولىپ كەتۋى مۇمكىن. ءبىراق، سەن سول بوس ورىندى جابۋىڭ كەرەك، ايتپەسە پازل تولىق بولمايدى. ال ورتاسىندا - ول سەنىڭ ەكىنشى جارتىڭ تۇرادى. ءبىر كۇنى ول ورىنعا ءمىنسىز بەيتانىس قىز كەلىپ، سەنى جانە ءومىرىڭدى تولتىرادى، سەنىڭ اناڭ دا ماعان وسىلاي جاساعان» ، - دەگەن.
بۇدان ارى ازىلكەش وسىنداي ويدىڭ ءبىر قاراعاندا زاماناۋي مادەنيەتتە 19-20 جاستاعى جاستاردىڭ ءجيى «وزىنە ساي ەمەس ادامدى تاڭداپ جانە جارامسىز پازلدى ءوز سۋرەتىنە مىقتىلاپ ورناتۋعا تىرىسادى» دەگەن فاكتىنى كورسەتەتىنىن ايتتى.
سلوسستىڭ ويىنشا، مۇنىڭ ءبارى كوبىنىڭ باسقالاردىڭ دا تەرەڭ، كۇردەلى جانە تولىققاندى تۇلعا ەكەندىگىن تۇسىنبەيتىندىكتەرىنەن. ولار دا ءومىرىن وزدەرىنىڭ پازلىندا وتكىزەدى. ولار باسقا بىرەۋدىكىنە سايكەس كەلۋ ءۇشىن، ءوز سۋرەتتەرىن تاستامايدى. ەگەر بىرەۋ سىزدەن كارتيناڭىزدى تاستاپ، وزىنىكىنە كىرۋىن سۇراسا، ءسىز دە اشۋلاناسىز. ءبىراق، ەگەر سىزدەر ءبىر- ءبىرىڭىزدى ۇناتاتىن بولساڭىزدار، وندا پازلدى دا بىرگە جينايسىڭدار. ال مۇنى جيناۋدىڭ قالاي شارشاتانىن ءبارىمىز بىلەمىز. ءبىراق، ءسىز توقتاماي، جالعاستىرىڭىز، سەبەبى سەندەردى ماحاببات پەن قىزىعۋشىلىق قوزعاۋدا. مۇمكىن، بىرنەشە جىل شىنىمەن دە ءبارى جاقسى بولادى. بىرەۋدىڭ بولىگى سەنىڭ پازلىڭدا، ال سەنىكى ونىڭ پازلىندا بولادى. ءبىراق ۋاقىت تابىسپەن تەڭەسە المايدى. وسىلاي بىرەۋمەن 2 جىل، باسقاسىمەن 5 جىل ءومىرىڭىزدى وتكىزە الاسىز، سوسىن ءبىر كۇنى پازلعا قاراپ، ەكەۋىڭىزدىڭ ءتۇرلى سۋرەتتەرگە ۇمتىلاتىنىڭىزدى تۇسىنەسىز. جانە وسى ساتتە وزىڭىزگە وتە قيىن 2 سۇراق قويۋعا تۋرا كەلەدى. ءبىرىنشىسى، وسى 5 جىلدىڭ قۇرى كەتكەنىن مويىندايمىن با؟ ەكىنشىسى، ءومىرىمنىڭ قالعان بولىگىن بەكەرگە بوس وتكىزىپ ءجۇرمىن بە؟ » ، - دەدى دەنيەل ءسوزىن اياقتاپ.
مونولوگتىڭ سوڭىندا كورەرمەن ازىلكەشتىڭ اكەسىنىڭ پازلدىڭ ورتالىق بولىگىمەن قاتەلەسكەنىن تۇسىنەدى، ويتكەنى وندا ماحاببات ەمەس، باقىت بولۋى كەرەك ەدى. ءبىراق، اكەسى ءۇشىن، بۇل ۇعىمدار ءبىر- بىرىنە سايكەس بولدى.
ال ءدەنيەلدىڭ ءوزى مىندەتتى قارىم- قاتىناستىڭ الەۋمەتتىك ۇلگىسىن ۇستانۋدىڭ قاجەتى جوق دەگەن قورىتىندىعا كەلىپ: «ەگەر ادام مەنى كەمشىلىكتەرىممەن سۇيمەيتىن بولسا، وندا ول مەنى تۇتاستاي سۇيمەيدى دەگەندى بىلدىرەدى. ول ماعان ەمەس، مەن تۋرالى ميىندا قۇراستىرىپ العان يدەياعا عاشىق. ال ونىڭ ۇمىتتەرىن قاناعاتتاندىرماعانىما مەن كىنالى ەمەسپىن» دەيدى.
«ەگەر ءسىزدىڭ قارىم- قاتىناسىڭىزدا ءسىز دە، جۇبايىڭىز دا باقىتتى بولسا، بۇل تاماشا. ال ەگەر مەنىڭ قويعام سۇراعىم سىزگە ىڭعايسىز بولسا، وندا ءسىز مەن ۇسىنعان جاۋاپتارعا تاڭعالىپ وتىرسىز. سەبەبى، ومىردە جاساي الاتىن ەڭ جامان نارسە - ونى وزىڭىزگە ساي ەمەس اداممەن وتكىزۋ. بۇل دۇنيەدە 7,5 ميلليارد ادام ءومىر سۇرەدى، جانە ءسىز جانىڭىزعا جاقىن ادامدى ۇيدەن 30 شاقىرىم قاشىقتىقتان تاپتىڭىز. نە دەگەن سايكەستىك دەسەڭىزدەرشى! دەگەنمەن، مەن ماحابباتتى تابۋ مۇمكىن ەمەس دەمەيمىن. ال ستاتيستيكاعا قاراساق، ءسىز ونى تاپپادىڭىز. مەن الەمدەگى قارىم- قاتىناستاردىڭ %80 ىنىڭ وتىرىك ەكەندىگىنە سەنىمدىمىن. ويتكەنى، جالعىز بولا المايتىن كوپتەگەن ادامدار نەمەسە ءوزىن جاقسى كورۋدى ۇيرەنبەگەندەر وسى رولگە باسقا بىرەۋدى جالداپ العان» ، - دەيدى ازىلكەش.
ناتيجەسىندە، قاراپايىم ازىلكەشتىڭ ءبىر ساعاتتىق ءسوزى تەراپيەۆتىك اسەر كورسەتتى. ونىڭ سوزىنەن كەيىن كوپتەگەن ادامدار قارىم- قاتىناستى توقتاتۋ شەشىم قابىلداپ جانە سلوسسقا العىستارىن بىلدىرۋدە.
Stan.kz
