ەلىمىزدە 1 ميلليون جۋىق بالا بالاباقشاعا بارادى
بۇل تۋرالى وقۋ-اعارتۋ مينيسترلىگى مەكتەپكە دەيىنگى ءبىلىم دەپارتامەنتىنىڭ ديرەكتورى ناتاليا جۇمادىلدايەۆا ايتتى، دەپ حابارلايدى قازاقپارات ءتىلشىسى.
«جىل باسىنان بەرى 29620 ورىندىق 307 مەكتەپكە دەيىنگى ۇيىم، ونىڭ ىشىندە 2818 ورىندىق 3 مەملەكەتتىك، 26802 ورىندىق 304 جەكە مەكتەپكە دەيىنگى ۇيىم اشىلدى. سوڭعى 5 جىلدا جەكە مەكتەپكە دەيىنگى ۇيىمداردىڭ اشىلۋىنا بايلانىستى بالاباقشاعا جولداما الۋ ءتارتىبى ەكى ەسە تومەندەگەنىن اتاپ ءوتۋ ماڭىزدى. بۇگىندە مەكتەپكە دەيىنگى تاربيە جۇيەسىنىڭ الدىندا ساندىق كورسەتكىشتەر ەمەس، ساپالىق مىندەت تۇر»، - دەدى ول ورتالىق كوممۋنكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، مەملەكەت باسشىسىنىڭ تاپسىرمالارىن ىسكە اسىرۋ اياسىندا 2025 -جىلعا دەيىن 2-3 جاستاعى بالالار ءۇشىن 223 مىڭ جاڭا ورىن اشۋ جوسپارلانعان. ولار حالىقتىڭ مەكتەپكە دەيىنگى ءبىلىم بەرۋ قاجەتتىلىگىنىڭ %70 پايىزدان استامىن قامتاماسىز ەتەدى.
جالپى، ەلىمىز بويىنشا 11320 مەكتەپكە دەيىنگى ۇيىم جۇمىس ىستەيدى. ولاردا 948362 بالا نەمەسە ەلىمىزدەگى بالالاردىڭ 89,1 پايىزى تاربيە الىپ جاتىر.
