استانا زيراتتارىندا قۇلپىتاس بيىكتىگى 1 مەتردەن اسپاۋى كەرەك

«قازىرگى ۋاقىتتا جەرلەۋ بويىنشا ارنايى ەرەجەلەر ازىرلەپ جاتىرمىز. وندا قۇلپىتاس بيىكتىگى ءبىر مەتردەن اسپاۋى كەرەك. زيرات قورشالعان بولۋى كەرەك، كۇتىم جاسالۋى كەرەك. جەر كودەكسىنە سايكەس، جەرلەۋ ءۇشىن 2x3 شارشى مەتر جەر تەگىن بەرىلەدى، ءبىراق كوپ ادام باسقا تۋىستارى ءۇشىن ەكى ورىن سۇرايدى. سول ءۇشىن جەرلەۋ تۋرالى ەرەجەگە تولىقتىرۋلار ەنگىزەمىز»، - دەدى ءدىن ىستەرى باسقارماسىنىڭ باسشىسى نۇرداۋلەت ءالمۇحانوۆ ەلوردالىق ءماسليحات وتىرىسىندا.

سونىمەن بىرگە، سپيكەردىڭ ايتۋىنشا، قالادا 28 زيرات بار، ونىڭ ىشىندە 16-سىنىڭ عانا قۇجاتتارى رەتتەلگەن.

سانيتارلىق نورماعا سايكەس، زيرات پەن تۇرعىن ءۇي اراسىندا 300 مەتر قاشىقتىق ساقتالۋى كەرەك.

بۇعان دەيىن ن. ءالمۇحانوۆ استاناداعى زيراتتا جەرلەۋ ورنىن ونلاين رەجيمدە تاڭداۋعا بولاتىنىن ايتقان ەدى.

ول ءۇشىن zherleu.astana.kz سايتىندا جەرلەۋگە ءوتىنىم بەرۋ كەرەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى