اقمولادا 1 ميلليارد تەڭگە جىمقىرعان وبلىستىق دەنساۋلىق ساقتاۋ ەكس- باسشىسى سوتتالدى
ءبىرىنشىسى الاياقتىققا سىبايلاس بولعانى ءۇشىن ايىپتى دەپ تانىلسا، ەكىنشىسى ءىرى كولەمدە الاياقتىق جاساعانى ءۇشىن باس بوستاندىعىنان ايىرىلدى، دەپ حابارلايدى قازاقپاراتتىڭ مەنشىكتى ءتىلشىسى.
وبلىستىق سوتتىڭ باسپا ءسوز قىزمەتىنىڭ اقپاراتى بويىنشا، «اۆيتسەننا- بۋراباي» ج ش س باسشىسىنىڭ مىندەتىن اتقارۋشى ك. مەن دەنساۋلىق ساقتاۋ باسقارماسىنىڭ ەكس- باسشىسى ي. 2017 -جىلى بۋراباي اۋداندىق دەنساۋلىق ساقتاۋ نىساندارىن سەنىمدى باسقارماعا بەرۋ تۋرالى كەلىسىم ورناتتى.
مۇنىڭ ءبارى گ- مەن قىلمىستىق كەلىسىم اياسىندا جۇزەگە استى.
«وسى كەلىسىم اياسىندا ج ش س نورمالار مەن تەحنيكالىق سيپاتتامالارعا، ساپا كورسەتكىشتەرىنە، سونىمەن قاتار دارىلىك زاتتار، مەديتسينا بۇيىمدارى مەن فارماتسيەۆتيكا قىزمەتتەرىن ۇيىمداستىرۋ ەرەجەلەرى مەن «حالىق دەنساۋلىعى جانە دەنساۋلىق ساقتاۋ جۇيەسى» كودەكسىنە ساي كەلەتىن جاڭا، بۇرىن پايدالانىلماعان مەديتسينالىق قۇرالدار ساتىپ الۋعا مىندەتتەلگەن. ءبىراق سوتتالعان ازاماتتار ساپاسىز مەديتسينالىق تەحنيكانى ورناتىپ، 1 ميلليارد تەڭگەدەن استام قارجىنى جىمقىرعان. سونىڭ سالدارىنان مەملەكەتكە اسا ءىرى كولەمدە شىعىن كەلتىرىلدى»، - دەدى ۆەدومستۆو وكىلدەرى.
سوت ك. ارەكەتىن ق ر ق ك 190-باپ، 4-بولىگى، 2-تارماعى بويىنشا اسا ءىرى كولەمدەگى الاياقتىق دەپ باعالاسا، ي. ق ر ق ك 190-باپ، 4-بولىگى، 2-تارماعى، 28-باپتىڭ 5-بولىگى الاياقتىققا سىبايلاس بولعانى ءۇشىن ايىپتى دەپ تانىلدى.
ەكەۋىنىڭ دە كىناسى كۋاگەرلەردىڭ، زارداپ شەككەن تاراپ پەن سوت ساراپتاماسىنىڭ ناتيجەسىندە دالەلدەندى.
«جازانى تاعايىنداۋ كەزىندە سوت جەڭىلدەتەتىن جاعدايلاردى ەسكەردى: ك. مەن ي. , انت قابىلداعان لاۋازىم يەلەرى بولا تۇرا قىزمەتىن پايدالانىپ قىلمىس جاسادى، ماتەريالدىق شىعىن قايتارىلعان جوق. سوت شەشىمىمەن ك. مەن ي. 9 جىلعا باس بوستاندىعىنان ايىرىلىپ، ءومىر بويى مەملەكەتتىك قىزمەت اتقارا المايدى. سونىمەن قاتار ك- ءنىڭ مۇلكى، اۆتوكولىگى تاركىلەندى»، - دەپ تولىقتىردى ۆەدومستۆو.
ۇكىم زاڭدى كۇشىنە ەنگەن جوق.
2022 -جىلى وسى ءىس قاتىسۋشىلارىنىڭ ءبىرى - اقمولا وبلىستىق دەنساۋلىق ساقتاۋ باسقارماسىنىڭ ەكس- باسشىسىنا باسقا ءىس بويىنشا ۇكىم شىققان بولاتىن.
وعان جشس ديرەكتورىمەن بىرگە ەلدە توتەنشە جاعداي جاريالانعان كەزدە بيۋدجەت قارجىسىن جىمقىرعانى ءۇشىن سەگىز جىلعا باس بوستاندىعىنان ايىرىلىپ، 86,8 ميلليون تەڭگە كولەمىندە ماتەريالدىق شىعىندى وتەۋ تالاپ ەتىلدى.
سوتتا ءبىرىنشى ۇكىمنىڭ كۇشىن ەكىنشى ۇكىم مەرزىمى جوياتىنى ايتىلدى.
