قازاقستاندا 1- شىلدەدەن باستاپ قانداي تولەمدەر مەن جاردەماقىلار وسەتىنى بەلگىلى بولدى
بۇدان باسقا، 7 جانە ودان دا كوپ بالانى ومىرگە اكەلگەن، ناگرادتالعان انالارعا بەرىلەتىن جاردەماقى مولشەرى 7,4 ايلىق ەسەپتىك كورسەتكىشكە دەيىن ارتتىرىلماق، - دەپ حابارلايدى قازاقپارات ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
بۇعان دەيىن 29- ناۋرىزدا VIII سايلانعان پارلامەنتتىڭ ءبىرىنشى سەسسياسىنىڭ اشىلۋىندا مەملەكەت باسشىسى مۇگەدەكتىگى بار ادامداردى قولداۋ شارالارىن كۇشەيتۋ قاجەتىن ايتقان ەدى.
ق ر الەۋمەتتىك كودەكسى شەڭبەرىندە 2023-جىلعى 1- شىلدەدەن باستاپ مەملەكەتتىك جاردەماقىلاردىڭ مىناداي ءتۇرىنىڭ مولشەرىن ورتا ەسەپپەن 14,5 پايىزعا ارتتىرۋ كوزدەلگەن:
مۇگەدەكتىك بويىنشا؛
اسىراۋشىسىنان ايىرىلعان جاعدايى بويىنشا؛
ارنايى الەۋمەتتىك جاردەماقىلار؛
مۇگەدەكتىگى بويىنشا ايلىق جاردەماقى مولشەرىنە دەيىن جاسىنا بايلانىستى زەينەتاقى تولەمدەرىنە قوسىمشا اقى الۋشىلاردى قوسپاعاندا، جاسىنا بايلانىستى زەينەتاقى تولەمدەرى نەمەسە ەڭبەك سىڭىرگەن جىلدارى ءۇشىن زەينەتاقى تولەمدەرى تاعايىندالعان ءبىرىنشى، ەكىنشى جانە ءۇشىنشى توپتاعى مۇگەدەكتىگى بار ادامدارعا ارناۋلى مەملەكەتتىك جاردەماقىلار؛
بايقوڭىردا تۇراتىن جانە رەسەي فەدەراتسياسىنىڭ زاڭناماسىنا سايكەس مۇگەدەكتىگى بويىنشا زەينەتاقى الاتىن 7 جاسقا دەيىنگى مۇگەدەكتىگى بار بالالارعا ارناۋلى مەملەكەتتىك جاردەماقى؛
ساياسي قۋعىن-سۇرگىن قۇرباندارىنا نەمەسە ساياسي قۋعىن-سۇرگىننەن زارداپ شەككەن، مۇگەدەكتىگى بار نەمەسە زەينەتكەر بولىپ تابىلاتىن ادامدارعا ارناۋلى مەملەكەتتىك جاردەماقى؛
قازاقستان رەسپۋبليكاسى الدىندا ەرەكشە ەڭبەگى ءۇشىن زەينەتاقى تاعايىندالعان ادامدارعا ارناۋلى مەملەكەتتىك جاردەماقى.
وسىلايشا، بۇل جاردەماقى تۇرلەرى 2022-جىلمەن سالىستىرعاندا 23 پايىزعا وسەدى. وسى ماقساتتارعا رەسپۋبليكالىق بيۋجەتتەن قوسىمشا 37 ميلليارد تەڭگە ءبولىندى.
بۇدان باسقا، 2023-جىلعى 1- شىلدەدەن باستاپ مەملەكەتتىك جاردەماقىلاردى 14,5 پايىزعا ارتتىرۋ كوزدەلگەن:
ءبىرىنشى توپتاعى مۇگەدەكتىگى بار ادامعا كۇتىم جاسايتىن ادامعا؛
مۇگەدەكتىگى بار بالانى (مۇگەدەكتىگى بار بالالاردى) تاربيەلەپ وتىرعان اناسىنا نەمەسە اكەسىنە، اسىراپ الۋشىعا، قورعانشىعا (قامقورشىعا).
قازىر بۇل جاردەماقىلاردىڭ مولشەرى - 1,4 ەڭ تومەنگى كۇنكورىس دەڭگەيىن نەمەسە 2023-جىلى 56794 تەڭگە. الەۋمەتتىك كودەكس كۇشىنە ەنگەن كەزدە جاردەماقى مولشەرى 2023-جىلى 1,61 ەڭ تومەنگى كۇنكورىس دەڭگەيىنە نەمەسە 65313 تەڭگەگە دەيىن ارتادى. وسى ماقساتتارعا رەسپۋبليكالىق بيۋجەتتەن قوسىمشا 6,4 ميلليارد تەڭگە ءبولىندى.
الەۋمەتتىك كودەكستە، سونداي-اق، «التىن القا» القاسىمەن ناگرادتالعان نەمەسە بۇرىن «باتىر انا» اتاعىن العان، I جانە II دارەجەلى «انا داڭقى» وردەندەرىمەن ناگرادتالعان ايەلدەرگە تولەنەتىن جاردەماقى مولشەرىن سارالاۋ كوزدەلەدى.
ەگەر بۇگىندە 6، 7 جانە ودان دا كوپ بالا تۋىپ، تاربيەلەگەن انالار بىردەي مولشەردە جاردەماقى السا، ەندى 2023-جىلدىڭ 1- شىلدەسىنەن باستاپ «التىن القا»، «باتىر انا»، I جانە II دارەجەلى «انا داڭقى» وردەندەرىمەن ناگرادتتالعان، ياعني 7 جانە ودان دا كوپ بالانى ومىرگە اكەلىپ تاربيەلەگەن انالارعا ارنالعان جاردەماقى مولشەرى 7,4 ايلىق ەسەپتىك كورسەتكىشكە دەيىن ارتتىرىلادى.
سونىمەن قاتار، بيىل 1- شىلدەدەن باستاپ مەملەكەتتىك الەۋمەتتىك ساقتاندىرۋ قورىنان تولەنەتىن ەڭبەك قابىلەتىنەن جانە اسىراۋشىسىنان ايىرىلۋ جاعدايلارى بويىنشا الەۋمەتتىك تولەمدەردىڭ مولشەرىن 14,5 پايىزعا ارتتىرىلادى.
تولەمدەردىڭ مولشەرى جەكە جانە مىنالارعا بايلانىستى: كەيىنگى 2 جىلداعى م ءا س ق- عا الەۋمەتتىك اۋدارىمدار جۇرگىزىلگەن ورتاشا ايلىق تابىس، ەڭبەك قابىلەتىنەن ايىرىلۋ كوەففيتسيەنتتەرى، اسىراۋىنداعى ادامدار سانى، مىندەتتى الەۋمەتتىك ساقتاندىرۋ جۇيەسىنە قاتىسۋ ءوتىلى جانە تابىستى اۋىستىرۋ.
بۇل تولەمدەر رەسپۋبليكالىق بيۋجەتتەن تولەنەتىن ۇقساس جاردەماقىلارعا قوسىمشا جۇزەگە اسىرىلادى، سونداي-اق، 2023-جىلعى 1- قاڭتاردان باستاپ ق ر ۇكىمەتىنىڭ شەشىمىمەن ولاردىڭ مولشەرى 8,5 پايىزعا ۇلعايتىلدى.
