قازاقستاندا 1- شىلدەدەن باستاپ ورمانشىلاردىڭ ايلىعى وسەدى

بۇل تۋرالى ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا ايتتى، دەپ حابارلايدى قازاقپارات.

ءمينيستردىڭ ايتۋىنشا، ەلدەگى ورمان شارۋاشىلىعىنا 8,1 ميلليارد تەڭگە بولىنگەن. ال ءورتتى ەرتە انىقتاۋ جۇيەسىنە 4,1 ميلليارد تەڭگە قاراستىرىلعان.

«بىلتىر جانە بيىل بولعان ورتتەردە، جالپى ورمان شارۋاشىلىعى سالاسىندا قالىپتاسقان جاعدايدى كورسەتەدى. وسى ماسەلەنى مەملەكەت باسشىسى دا ايتىپ ءوتتى. ارينە، وسى ماسەلەگە بايلانىستى ءورتتى بولدىرماۋ، الدىن الۋ، سونىمەن قاتار ماتەريالدىق-تەحنيكالىق قامسىزداندىرۋ، ورمانشىلاردىڭ جالاقى ماسەلەلەرى قوسىمشا پىسىقتالادى»، - دەدى ز. سۇلەيمەنوۆا Jibek joly تەلەارناسىنىڭ «جاڭا ۋاقىت» اقپاراتتىق-ساراپتامالىق باعدارلاماسىندا.

ناقتى سەمەي ورمانىنا قانشالىقتى زالال كەلگەنىن ءورت تولىق سوندىرىلگەن سوڭ ارنايى كوميسسيا ەسەپتەيتىن بولادى.

ايتا كەتەيىك، قازىرگى ۋاقىتتا اباي وبلىسىندا ءورتتى ءسوندىرۋ ءۇش باعىتتا جالعاسۋدا (وڭتۇستىك، باتىس جانە شىعىس جيەكتەر). شىعىس باعىتتا اۋىر تەحنيكامەن مينەرالدانعان جولاقتار جاساۋ جۇمىستارى جۇرگىزىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى