قازاقستان گەرمانياعا ەكسپورت كولەمىن 1 ميلليارد ەۋروعا دەيىن ارتتىرا الادى

بۇل تۋرالى ق ر پرەمەر- ءمينيسترىنىڭ ءبىرىنشى ورىنباسارى رومان سكليار ايتتى، دەپ حابارلايدى قازاقپارات ءتىلشىسى.

«ەسەپتەۋلەرىمىزگە سايكەس، بۇگىندە قازاقستاننىڭ گەرمانياعا ەكسپورت كولەمىن شامامەن 1 ميلليارد ەۋرو سوماعا 140 تان استام تاۋارلىق پوزيتسيا بويىنشا ارتتىرا تۇسۋگە الەۋەتى بار. گەرمان كاپيتالىنىڭ ەلىمىزدىڭ ەكونوميكاسىنا كىرىگۋى دە تۇراقتى تۇردە ارتىپ كەلە جاتىر. گەرمان ينۆەستيتسياسىنىڭ 90 پايىزى ەكونوميكانىڭ شيكىزاتتىق ەمەس سەكتورىنا سالىنعان. بۇل كورسەتكىش ءبىز ءۇشىن قازاقستانعا جانە تاڭداپ العان دامۋدىڭ ينۆەستيتسيالىق ۆەكتورىمىزعا دەگەن ۇلكەن سەنىم»، - دەدى رومان سكليار ەلوردادا وتكەن قازاقستان- گەرمان بيزنەس فورۋمىندا.

ونىڭ اتاپ وتۋىنشە، ەكى ەلدىڭ اراسىنداعى قارىم- قاتىناس سىندارلى ديالوگ ورناپ، ىسكەرلىك ورتا اراسىندا كووپەراتسيالىق جانە ءوزارا ىنتىماقتاستىق دامىعان كەزدە عانا جەمىس بولادى. ەكى ەلدىڭ مەملەكەت جانە ۇكىمەت باسشىلارى ساياسي جانە ساۋدا- ەكونوميكلىق قاتىناستارعا جول سالىپ وتىر. ال قالعانى بيزنەسمەندەردىڭ قولىنداعى ءىس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى