قىزىلوردالىق كاسىپكەر ءسابيت شونتاقبايەۆتىڭ اتا- اناسىنا 1 ميلليون تەڭگە سىيلادى
جالاعاش اۋدانىنا قاراستى اققۇم اۋىلىندا تۇراتىن ءسابيتتىڭ اكەسى سەرىك شونتاقبايەۆ پەن اناسى گۇلبارشىن پىرىمبەتوۆاعا اۋدان اكىمى اسقاربەك ەسجانوۆ ريزاشىلىق ءبىلدىرىپ، ءوڭىر باسشىسىنىڭ العىس حاتىن تابىستادى.
«وقىس وقيعانىڭ الدىن الىپ، 3 جاسار ءبۇلدىرشىندى امان ساقتاپ قالۋى - ناعىز باتىرلىق پەن باتىلدىقتىڭ شىنايى ۇلگىسى. ءسابيتتىڭ بۇل ارەكەتى سىر جۇرتشىلىعىنىڭ عانا ەمەس، ەلىمىزدىڭ بارلىق ازاماتتارىنىڭ جۇرەگىنە اسەر ەتتى. وسىنداي ەرجۇرەك، ەلجاندى ۇل ءوسىرىپ، ءتالىم- تاربيە بەرگەندەرىڭىزگە العىسىمدى جەتكىزەمىن»، - دەپ جازىلعان العىس حات ماتىنىندە.
سونداي- اق، وبلىس اكىمىنىڭ اتىنان سىي- سياپات كورسەتىلىپ، تەلەديدار تارتۋ ەتىلدى. ال، اۋىل شارۋاشىلىعىمەن اينالىساتىن جەرگىلىكتى كاسىپكەر ەرجۇرەك ازاماتتىڭ اتا- اناسىنا 1 ميلليون تەڭگە قارجىلاي سىياقى تابىس ەتتى.
ەسكە سالساق، بۇدان بۇرىن ءسابيت شونتاقبايەۆتىڭ ايەلى «ەرلىك جاساۋعا ەشكىم دايىندالمايدى» دەپ وي بىلدىرگەن ەدى.
اۆتور: ءادىلجان ۇمبەت
