قازگيدرومەت: 1-قاڭتار كۇنگى كۇن رايى بولجامى
كاسپورىننىڭ بولجامىنا قاراعاندا، سۋىق انتيتسيكلون ەلىمىزدىڭ شىعىس، سولتۇستىك وڭىرلەرىنىڭ كۇن رايىنا ىقپال ەتەدى. مۇندا كۇن جاۋىن-شاشىنسىز بولادى.
ەلىمىزدىڭ باتىسى مەن وڭتۇستىگىندە اتموسفەرالىق اعىنداردىڭ وتۋىنە بايلانىستى كۇن رايى قۇبىلمالى بولادى. جاۋىن جاۋىپ، كوكتايعاق بولىپ، جەل كۇشەيەى.
رەسپۋبليكانىڭ كەي جەرلەرىندە تۇمان تۇسەدى. ماڭعىستاۋ وبلىسىنىڭ باسىم بولىگىندە تۇمان ءتۇسىپ، كۇندىز وبلىستىڭ سولتۇستىك-باتىسىندا كوكتايعاق بولىپ، جەلدىڭ جىلدامدىعى سەكۋندىنا 15-20 مەترگە جەتەدى.
باتىس قازاقستان وبلىسىنىڭ سولتۇستىك-باتىسىندا، اتىراۋ وبلىسىنىڭ باتىسىندا، وڭتۇستىگىندە جانە ورتالىعىندا تۇمان ءتۇسىپ، كوكتايعاق بولادى.
كۇندىز باتىس قازاقستان وبلىسىنىڭ سولتۇستىك-شىعىسىندا جەلدىڭ جىلدامدىعى 15-20 م/س- كە جەتەدى.
اقمولا، الماتى وبلىستارىنىڭ وڭتۇستىگى مەن شىعىسىندا، وڭتۇستىگىندە، باتىسىندا، تۇركىستان وبلىسىنىڭ تاۋلى، تاۋ بوكتەرى اۋداندارىندا، سولتۇستىگىندە، جامبىل وبلىسىنىڭ تاۋلى، تاۋ بوكتەرى اۋداندارىندا، قىزىلوردا ورتالىعىندا، شىعىس قازاقستان وبلىسىنىڭ سولتۇستىگى مەن وڭتۇستىگىندە، اقتوبە وبلىسىنىڭ ورتالىعى مەن سولتۇستىك-شىعىسىندا تۇمان تۇسەدى، الماتى وبلىسىنىڭ الاكول كولدەرى اۋدانىندا جەلدىڭ جىلدامدىعى سەكۋندىنا 18-23 مەترگە جەتەدى.
