كاسىپكەرلەرگە 1- قاڭتاردان باستاپ سالىق تولەۋ جەڭىلدەيدى
«مەملەكەتتىك كىرىستەر كوميتەتى 2022-جىلدىڭ 1 - قاڭتارىنان باستاپ ارناۋلى موبيلدى قوسىمشانى پايدالانا وتىرىپ جانە وڭايلاتىلعان دەكلاراتسيا نەگىزىندە ارناۋلى سالىق رەجيمىن قولداناتىن جەكە كاسىپكەرلەر ءۇشىن «e -Salyq Business» موبيلدى قوسىمشاسىن ىسكە قوسادى»، - دەلىنگەن ق ر قارجى مينيسترلىگى مەملەكەتتىك كىرىستەر كوميتەتى مالىمەتىندە.
موبيلدى قوسىمشانىڭ فۋنكتسيونالى جەكە كاسىپكەر رەتىندە تىركەلۋگە، سالىق رەجيمىن تاڭداۋعا جانە وزگەرتۋگە، تۇبىرتەكتەر بەرۋگە، كىرىستەر ءتىزىلىمىن اۆتوماتتى تۇردە قالىپتاستىرۋعا، قوسىمشادا ەسەپتەلگەن سالىق مىندەتتەمەلەرىن تولەۋگە، ونىڭ ىشىندە قىزمەتكەرلەر ءۇشىن، سونداي-اق الدىن الا تولتىرىلعان وڭايلاتىلعان سالىق دەكلاراتسياسىن ۇسىنۋعا مۇمكىندىك بەرەدى.
مۇنىمەن قوسا، ارناۋلى موبيلدى قوسىمشانى پايدالانا وتىرىپ، ارناۋلى سالىق رەجيمىن قولدانۋ كەزىندە سالىق ەسەپتىلىگىن تاپسىرماۋدى ەسكەرەدى.
«بۇدان باسقا، قوسىمشادا بەرەشەكتى قاراۋ جانە تولەۋ، مەملەكەتتىك كىرىستەر ورگاندارىنان حابارلامالار الۋ، سونداي-اق وڭايلاتىلعان تارتىپتە جەكە كاسىپكەردىڭ قىزمەتىن توقتاتۋ بويىنشا قىزمەتتەر قولجەتىمدى. قوسىمشا «Play Market» جانە «App Gallery» - دە قولجەتىمدى»، - دەپ اتالىپ وتكەن كوميتەت اقپاراتىندا.
