ەۋروكوميسسيا الەمدەگى ورمانداردى قورعاۋعا 1 ميلليارد ەۋرو بولەدى

دەپ حابارلايدى قازاقپارات مەنشىكتى ءتىلشىسى.

ە و بيۋدجەتىنەن بولىنەتىن 5 جىلدىق قولداۋ پاكەتى ەۋروپالىق وداقتىڭ سەرىكتەس ەلدەرىنە بۇكىل الەمدەگى ورمانداردى قورعاۋعا، قالپىنا كەلتىرۋگە جانە تۇراقتى باسقارۋعا، سونداي- اق پاريج كەلىسىمىنىڭ ەرەجەلەرىن ورىنداۋعا كومەكتەسەدى.

- ورمان - «جەردىڭ جاسىل وكپەسى». ءبىز ولاردى قورعاپ، قالپىنا كەلتىرۋىمىز كەرەك. مەن الەمدىك ورمانداردى قورعاۋعا 1 ميلليارد ەۋرو بولۋگە مىندەتتەنەتىنىمىزدى قۋانا جاريالايمىن. بۇل - ە و- نىڭ «جاسىل كەلىسىمگە» سايكەس پلانەتامىزدى قورعاۋعا باعىتتالعان جاھاندىق وزگەرىستەرگە جەتەكشىلىك ەتۋ جونىندەگى مىندەتتەمەسىنىڭ بەلگىسى، - دەپ مالىمدەدى ۋ. ليايەن.

ەۋروكوميسسيانىڭ حالىقارالىق سەرىكتەستىك جونىندەگى كوميسسارى يۋتتا ۋرپيلاينەن: «ە و- نىڭ ورمانداردى تۇراقتى باسقارۋعا، قالپىنا كەلتىرۋگە جانە قورعاۋعا قوسقان ۇلەسى تۇراقتى وسۋگە جانە جۇمىس ورىندارىن قۇرۋعا، كليماتتىڭ وزگەرۋ سالدارىن جۇمسارتۋعا جانە بەيىمدەلۋگە، سونداي- اق سەرىكتەس ەلدەرىمىزدە بيوارتۇرلىلىكتى ساقتاۋعا ىقپال ەتەدى. ەۋروپالىق وداق ۇكىمەتتەرمەن، ازاماتتىق قوعاممەن، جەرگىلىكتى حالىقپەن جانە جەكە سۋبەكتىلەرمەن سەرىكتەستىكتە تۇراقتى دامۋ ماقساتتارىنا قول جەتكىزۋ جانە ادامدار مەن پلانەتانى ءبىرىنشى ورىنعا قويۋ ءۇشىن كوپجاقتى ءتاسىل اياسىندا جۇمىس ىستەيدى»، - دەدى.

ەۋروپالىق وداق ءوزىنىڭ ەكوجۇيەسى بار ەرەكشە اۋماق كونگو وزەنىنىڭ باسسەينىنە ەرەكشە نازار اۋداردى. مالىمدەلگەن 1 ميلليارد ەۋرونىڭ 250 ميلليون ەۋروسى كومەك پاكەتى شەڭبەرىندە كونگو وزەنى باسسەينىندەگى ەكولوگيالىق ماقساتتارعا باعىتتالادى. قارجىلىق مىندەتتەمە - ەۋروپالىق كوميسسيانىڭ گلازگو قالاسىنداعى سامميتتە حالىقارالىق قوعامداستىق قابىلداعان ورماندار جونىندەگى جاھاندىق مىندەتتەمەگە قوسقان ۇلەسى.

اۆتور: اياۋلىم التىنبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى