الماتى وبلىسىندا جەمقورلار جايلى اقپارات بەرگەندەرگە 1 ميلليون تەڭگەگە جۋىق سىياقى تولەندى
بەس ادامعا تولەنگەن قاراجات قۇنى - 962610 تەڭگە، دەپ حابارلايدى قازاقپارات ءتىلشىسى. ەگەر ادام سىبايلاس جەمقورلىق قىلمىس تۋرالى حابارلاعان بولسا، وندا ول ايىپتاۋ ۇكىمى شىعارىلعاننان كەيىن پارا سوماسىنىڭ % 10- ىن الا الادى. سىبايلاس جەمقورلىققا قارسى قىزمەتىنىڭ 1424 Call-ورتالىعى سىبايلاس جەمقورلىق فاكتىلەرى تۋرالى، ونىڭ ىشىندە جاسالعان نەمەسە دايىندالىپ جاتقان قۇقىق بۇزۋشىلىقتار تۋرالى، سونداي- اق كاسىپكەرلىك قىزمەتكە كەدەرگى كەلتىرۋ جاعدايلارى تۋرالى تەلەفون حابارلامالارىنا تاۋلىك بويى جاۋاپ بەرەدى.
بۇعان قوسا، Call-ورتالىعىنىڭ وپەراتورلارى اگەنتتىكتىڭ قىزمەتى تۋرالى سۇراقتارعا جاۋاپ بەرەدى. سىبايلاس جەمقورلىققا قارسى قىزمەت پەن ونىڭ قىزمەتكەرلەرىنىڭ جۇمىسىنا شاعىمدار، ۇسىنىستار مەن پىكىرلەردى قابىلدايدى، جۇمىسقا ءتۇسۋ ءتارتىبىن تۇسىندىرەدى. كولل- ورتالىعىنا تۇسكەن ءاربىر قوڭىراۋ بويىنشا زاڭناما شەڭبەرىندە دەرەۋ ارەكەت جۇرگىزىلىپ وتىرادى.
بۇگىندە الماتى وبلىسىندا «Jetisý - adaldyq alańy» جوبالىق كەڭسەسى سىبايلاس جەمقورلىقتى جويۋ بويىنشا ءبىرىڭعاي ماقساتتى جۇزەگە اسىرۋدا مەملەكەتتىك قىزمەتكەرلەر مەن ازاماتتاردى بىرىكتىرەتىن جالپى ۇلتتىق يدەياعا اينالۋدا. بۇل باعىتتا جوبالىق كەڭسە ق ر سىبايلاس جەمقورلىققا قارسى ءىس- قيمىل اگەنتتىگىنىڭ الماتى وبلىسى بويىنشا دەپارتامەنتىمەن بىرلەسىپ اقپاراتتىق- ناسيحاتتاۋ جۇمىستارىن جۇرگىزۋدە. ماسەلەن، سىبايلاس جەمقورلىققا قارسى قىزمەتىنىڭ 1424 Call-ورتالىعىن ناسيحاتتاۋ ماقساتىندا الماتى وبلىسىنىڭ جاستار بەلسەندىلەرى وبلىس اۋماعىندا مەملەكەتتىك ورگانداردىڭ وكىلدەرىمەن بىرلەسىپ، «پاراساتتى بول، سىبايلاس جەمقورلىق فاكتىلەرى تۋرالى 1424-كە حابارلا!» اتتى ءبىرىڭعاي وبلىستىق اكسيا ۇيىمداستىردى.
اكسيا اياسىندا بەلسەندىلەر سىبايلاس جەمقورلىققا قارسى جاپسىرمالاردى قوعامدىق ورىنداردا، قوعامدىق كولىكتەردە، پاترۋلدىك اۆتوكولىكتەردە، سونداي- اق مەملەكەتتىك مەكەمەلەردىڭ اقپاراتتىق تاقتاشالارىندا ورنالاستىردى.
«جىل باسىنان بەرى «پاراسات ورتالىعى» وبلىستىڭ بارلىق 20 اۋدانىندا اشىلدى. ورتالىقتىڭ باستى ماقساتى - حالىقتىڭ وزەكتى ماسەلەلەرىن شەشۋ بويىنشا شۇعىل ارەكەت ەتۋ جانە ازاماتتاردىڭ قۇقىعىن جۇزەگە اسىرۋدا مەملەكەتتىك ورگانداردىڭ ءوزارا بىرلەسە ارەكەتتەسۋىن قامتاماسىز ەتۋ. اقپان ايىنان بەرى وبلىس كولەمىندە 200-گە جۋىق ءىس- شارا وتكىزىلدى. شارالار ق ر سىبايلاس جەمقورلىققا قارسى ءىس- قيمىل اگەنتتىگىنىڭ الماتى وبلىستىق دەپارتامەنتىنىڭ ءبىرىنشى ورىنباسارى جاندوس جۇمابايەۆتىڭ جەكە باقىلاۋىندا جۇزەگە اسىرىلۋدا»، - دەدى.
الماتى وبلىسى «Jetisý - adaldyq alańy» جوبالىق كەڭسەسىنىڭ جەتەكشىسى امانجول جازىقبايەۆ.
اۆتور: سامال قابىشيەۆا
