وزبەكستانعا 1 ميلليون دوزا وزبەك- قىتاي ۆاكسيناسى جەتكىزىلدى

«قازىر عانا Zhifei Longcom Biopharmaceutical Co. Ltd. كومپانياسى تاراپىنان وزبەك- قىتاي ماماندارى بىرلەسىپ جاساعان ZF- UZ- VAC2001 ۆاكسيناسىنىڭ 1 ميلليون دوزاسى اكەلىندى» دەلىنگەن حابارلامادا.

بۇگىنگى كۇنگە دەيىن ەلدەگى ۆاكسيناتسيالانعان 565 مىڭنان استام ادامنىڭ %46 ى نەمەسە 263 مىڭنان استامىنا ءدال وسى ZF- UZ- VAC2001 ۆاكسيناسى ەگىلگەن. ولار قاتارىندا 148 مىڭنان استام ازامات 65 جاستان اسقاندار.

اتاۋلى ۆاكسينانىڭ العاشقى 1 ميلليون دوزالى پارتياسى وزبەكستانعا 27-ناۋرىزدا اكەلىنگەن ەدى. وزبەكستاندا 3 كەزەڭدىك كلينيكالىق سىناقتاردان ءساتتى وتكەن قىتايدىڭ «Zhifei Longcom Biopharmaceutical Co. Ltd» كومپانياسى مەن وزبەك ماماندارى بىرلەسىپ جاساعان ZF- UZ- VAC 2001 ۆاكسيناسى ازاماتتارعا ءۇش رەت ەگىلگەندە ولار تولىق ۆاكسيناتسيالانعان بولىپ سانالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى