ەلورداداعى جاڭا تۇرعىن ۇيلەردىڭ 1-قاباتىندا الەۋمەتتىك نىساندار اشىلادى
«الماتى اۋدانىندا ورنالاسقان جەڭىلدىكپەن بەرىلەتىن قولجەتىمدى تۇرعىن ءۇي قۇرىلىسىنىڭ بارىسىمەن تانىستىم. جاڭا تۇرعىن ۇيلەردىڭ ءبىرىنشى قاباتىندا الەۋمەتتىك نىساندار اشىلىپ جاتىر. سونىمەن بىرگە، تۇرعىندارعا ىڭعايلى بولۋى ءۇشىن «ءۇي جانىنداعى دارىگەر» نىساندارىن اشامىز. وعان قوسا، اۋداندى شامادان تىس جۇكتەمەۋ ءۇشىن جوبا بويىنشا پاركينگ قۇرىلىسى جۇرگىزىلىپ جاتىر. ەلوردا اۋداندارىن «نۇر-سۇلتان-جايلى قالا» ماستەر - جوسپارىنىڭ تۇجىرىمداماسى اياسىندا، ورتالىقتاندىرۋ قاعيداتى بويىنشا دامىتۋدامىز.
بۇل دەگەنىمىز - بارلىق قاجەتتى الەۋمەتتىك نىساندار مەن دەمالىس ورىندارىنىڭ جاقىن جەردە ورنالاسۋى. ءۇيدىڭ ساپاسىنا ەرەكشە نازار اۋدارا وتىرىپ، قۇرىلىس قارقىنىن باسەڭدەتپەۋدى تاپسىردىم. قۇرىلىس اياقتالعاننان كەيىن اۋماقتى اباتتاندىرۋعا كىرىسەمىز. بيىل، مەملەكەت باسشىسىنىڭ تاپسىرماسىنا سايكەس، قولجەتىمدى تۇرعىن ءۇي قۇرىلىسى كولەمىن ۇلعايتۋ بويىنشا جۇمىس جۇرگىزىپ جاتىرمىز.
مىسالى، 2018-جىلى 1100 الەۋمەتتىك پاتەر، 2019-جىلى 2900 پاتەر سالىنسا، 2020-جىلى 7 مىڭنان استام الەۋمەتتىك پاتەر سالىندى. بيىل بۇل كورسەتكىشتى 10 مىڭ پاتەرگە دەيىن ۇلعايتۋدى جوسپارلاپ وتىرمىز»، - دەپ جازدى قالا اكىمى.
