حالىق ءارتيسى ءسابيت ورازبايەۆ 1- دارەجەلى «بارىس» وردەنىمەن ماراپاتتالدى - فوتو

بۇل مارتەبەلى ماراپاتقا تانىمال اكتەر مادەنيەتتى دامىتۋداعى ايرىقشا ۇلەسى، بەلسەندى قوعامدىق قىزمەتى ءۇشىن قازاقستان رەسپۋبليكاسىنىڭ پرەزيدەنتى ق. ك. توقايەۆتىڭ جارلىعىمەن يەلەندى. سالتاناتتى تاپسىرۋ راسىمىندە مەملەكەتتىك حاتشى سونداي-اق ءسابيت ورازبايەۆتى 85 جاسقا تولعان بەلەسىنە وراي ىزگى تىلەگىن جەتكىزىپ، تۇڭعىش پرەزيدەنت - ەلباسى ن. ءا. نازاربايەۆتىڭ جانە مەملەكەت باسشىسى ق. ك. توقايەۆتىڭ مەرەيتوي يەسىنە جولداعان قۇتتىقتاۋلارىن وقىپ بەردى. ءسابيت ورازبايەۆ - سانالى عۇمىرىن تەاتر ساحناسىنا ارناعان دارىندى اكتەر.

جارتى عاسىرلىق اكتەرلىك قىزمەتىندە ول قازاق جانە الەمدىك كلاسسيكالىق، زاماناۋي دراماتۋرگيادان 100-دەن اسا درامالىق رولدە وينادى. شىعارماشىلىق جولىن كومەديا جانرىندا باستاپ، «بولتىرىك بورىك استىندا»، «قۇدالار كەلدى»، «بەۋ، قىزدار-اي» سپەكتاكلدەرىندە شەبەرلىگىمەن ەرەكشەلەنىپ، ع. مۇسىرەپوۆتىڭ «قوزى كوپەش - بايان سۇلۋ»، ا. چەحوۆتىڭ «ۆانيا اعايىندا» جارقىن بەينەلەردى سومدادى.

«ەڭبەگىمىزدى باعالاپ جاتقاندارىڭىزعا راحمەت. قازاقستان دەگەن ەلدە، جەردە، تۋعان- تۋىستارىمىزدىڭ ورتامىزدا امان ەسەن جۇرگەنىمىزگە شۇكىر»، - دەدى ءسابيت ورازبايەۆ.

سونداي-اق مەملەكەتتىك حاتشى «Nomad Stunts» كاسكادەرلىك توبىنىڭ جەتەكشىسى جايداربەك كۇنعوجينوۆپەن كەزدەسىپ، بەلگىلى قازاقستاندىق كاسكادەردى دۇنيەجۇزىلىك كاسكادەرلەر اكادەمياسىنىڭ (ا ق ش) بەدەلدى «Taurus» سىيلىعىمەن ماراپاتتالۋىمەن قۇتتىقتادى. ق. كوشەربايەۆ بۇل بەدەلدى حالىقارالىق ماراپاتتىڭ قازاقستان كاسكادەرلەرىنىڭ جوعارعى شەبەرلىگىن مويىنداعانى عانا ەمەس، قازاقستاندىق مادەنيەت پەن كينو ونەرىنە قوسقان زور ۇلەسى ەكەنىن اتاپ ءوتتى.

ءوز كەزەگىندە مادەنيەت جانە سپورت ءمينيسترى اقتوتى رايىمقۇلوۆا جايداربەك كۇنعوجينوۆكە «مادەنيەت سالاسىنىڭ ۇزدىگى» مەدالىن تابىس ەتتى.

«وتاندىق ديستريبۋتسيا تاريحىندا ءساتتى شىققان قازاقستاندىق تولىقمەتراجدى تاريحي كينوتۋىندى - «توميريس» كارتيناسى. 2019 -جىلدىڭ قىركۇيەك ايىنداعى فيلمنىڭ تۇساۋكەسەرىنەن كەيىن اتالعان كينوكارتينا قازاقستاننىڭ كينوتەاترالدى پروكاتىندا كوش باستادى.

«توميريس» كوركەم فيلمى بۇكىل الەم كورەرمەندەرىنىڭ كوڭىلىنەن شىعىپ جاتىر. قازىردىڭ وزىندە كارتينانى كورسەتۋ قۇقىعىن امەريكا، تۇركيا، يتاليا، يسپانيا، جاپونيا، تاياۋ شىعىس، وڭتۇستىك كورەيا، ت م د، سينگاپۋر، رۋمىنيا جانە فرانسيا سياقتى ەلدەردىڭ ديستريبيۋتورلارى الىپ ۇلگەردى. Nomad Stunts توبىن جانە ونىڭ جەتەكشىسى جايداربەك كۇنعوجينوۆتى وسى ۇلكەن جەتىستىكپەن ءارى «مادەنيەت سالاسىنىڭ ۇزدىگى» مەدالىمەن قۇتتىقتايمىن جانە ۇلكەن جەڭىستەر تىلەيمىن» - دەدى مينيستر.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى