قازاقستاندا 1- قاڭتاردان باستاپ ايەلدەردىڭ زەينەت جاسى ۇلعايدى

قازاقستاندا 2018-جىلعى قاڭتاردا ەرلەر مەن ايەلدەردىڭ زەينەت جاسىن تەڭەستىرۋ جۇمىسى باستالدى. زاڭعا سايكەس، 2027-جىلعا دەيىن ايەلدەردىڭ زەينەت جاسىنا جارتى جىلدان قوسىلىپ وتىرادى.

2021-جىلدىڭ 1- قاڭتارىنان — 60 جاسىندا؛

2022-جىلدىڭ 1- قاڭتارىنان — 60,5 جاسىندا؛

2023-جىلدىڭ 1- قاڭتارىنان — 61 جاسىندا؛

2024-جىلدىڭ 1- قاڭتارىنان — 61,5 جاسىندا؛

2025-جىلدىڭ 1- قاڭتارىنان — 62 جاسىندا؛

2026-جىلدىڭ 1- قاڭتارىنان — 62,5 جاسىندا؛

2027-جىلدىڭ 1- قاڭتارىنان — 63 جاسىندا زەينەتكە شىعادى.

ال ەرلەر ءۇشىن ەشتەڭە وزگەرگەن جوق - ولار زەينەت دەمالىسىنا بۇرىنعىداي 63 جاستا شىعادى.

دەسە دە، كەيبىر ايەلدەردىڭ زەينەت جاسى وزگەرمەيدى. ولاردىڭ ىشىندە كوپبالالى انالار جانە سەمەي يادرولىق پوليگونىندا تۇرعان ايەلدەر بار.

ماسەلەن، بەس جانە ودان كوپ بالانى سەگىز جاسقا دەيىن تاربيەلەپ وسىرگەن انالار 53 جاستا زەينەتكە شىعا الادى. ال سەمەي يادرولىق پوليگونىنىنىڭ جوعارى رادياتسيالىق قاۋپى بار ايماقتاردا بەس جىلدان ارتىق تۇرعان ايەلدەرگە 45 جاستا، ەرلەرگە 50 جاستا زەينەتكە شىعۋعا رۇقسات بار.

سونداي-اق، 2021-جىلى زەينەتاقى كوتەرىلەدى. مەملەكەتتىك بازالىق زەينەتاقىنىڭ ەڭ تومەنگى مولشەرى 18524 تەڭگەگە جەتەدى. ال ەڭ تومەنگى زەينەتاقى 40441 تەڭگەدەن 43272 تەڭگەگە دەيىن ءوستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى