«جاس عالىم» جوباسى اياسىندا زەرتتەۋ جۇرگىزۋگە 1 مىڭ گرانت بولىنەدى
«عىلىم سالاسىن دامىتۋ تۋرالى دا ايتقىم كەلەدى. بۇل ماسەلەدە بىزگە تىڭ كوزقاراس پەن جاڭا تاسىلدەر كەرەك. سونداي- اق حالىقارالىق تاجىريبەگە ارقا سۇيەۋ قاجەت. ۇكىمەتكە جىل سايىن الەمنىڭ جەتەكشى عىلىمي ورتالىقتارىندا 500 عالىمنىڭ تاعىلىمدامادان ءوتۋىن قامتاماسىز ەتۋدى، سونداي- اق «جاس عالىم» جوباسى اياسىندا زەرتتەۋ جۇرگىزۋ ءۇشىن 1 مىڭ گرانت ءبولۋدى تاپسىرامىن»، - دەدى پرەزيدەنت.
ق ر پرەزيدەنتىنىڭ ايتۋىنشا، عىلىمدى قارجىلاندىرۋدىڭ جانە قولداۋدىڭ ماڭىزدى كوزى - ءىرى كاسىپورىنداردىڭ، اسىرەسە شيكىزات سالاسىنداعى كومپانيالاردىڭ قاراجاتى.
«تاپقان تابىستىڭ 1 پايىزىن عىلىم مەن تەحنولوگيانى دامىتۋعا بەرۋ تۋرالى قولدانىستاعى نورما تالاپتارى ساقتالماي وتىر. كوپ جاعدايدا بۇل قاراجات كومپانيالاردىڭ ىشىندە بولىنىسكە ءتۇسىپ كەتەدى. ۇكىمەتكە وسى قاراجاتتى جيناقتاۋ ءىسىن ورتالىقتاندىرۋدى جانە ونى بيۋدجەت ارقىلى جالپى ۇلتتىق عىلىمي باسىمدىققا ساي ءبولىنۋىن قامتاماسىز ەتۋدى تاپسىرامىن»، - دەدى پرەزيدەنت قازاقستان حالقىنا جىل سايىنعى ءداستۇرلى جولداۋىندا.
