جۇمىس كۇشى جەتىسپەيتىن وڭىرلەرگە 1 مىڭ وتباسى قونىس اۋداردى
بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيتسە- ءمينيسترى سەرىك شاپكەنوۆ ايتتى، دەپ حابارلايدى قازاقپارات ءتىلشىسى.
«كەيبىر وڭىردە جۇمىس كۇشى جەتكىلىكتى، ءتىپتى ارتىق دەپ ايتۋعا بولادى. ال كەيبىر وڭىردە جەتىسپەيدى. وسىعان وراي «ەڭبەك» باعدارلاماسىنا وزگەرىس ەنگىزىلگەن ەدى. ناتيجەسىندە وسى جىلدىڭ 7 ايىندا 1 مىڭ وتباسى ەڭبەك كۇشى جەتكىلىكتى وڭىردەن ەڭبەك كۇشى جەتىسپەيتىن وڭىرلەرگە قونىس اۋداردى. اتالعان وتباسىلاردىڭ 1939 مۇشەسى جۇمىس ىستەۋگە قابىلەتتى بولسا، سونىڭ قازىرگى ۋاقىتتا 1420 سى جۇمىسپەن قامتاماسىز ەتىلدى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، قونىس اۋدارعان وتباسىلارعا 35 ايلىق ەسەپتىك كورسەتكىش مولشەرىندە قولداۋ كورسەتىلەدى. مۇنان بولەك 1 جىل بويى جالداپ تۇراتىن باسپانا شىعىندارى مەن كوممۋنالدىق تولەمدەرىنە سۋبسيديا بەرىلەدى. سۋبسيديا كولەمى 15 تەن 30 ا ە ك- كە دەيىن.
