قاسىم- جومارت توقايەۆتىڭ الەۋمەتتىك پاراقشاسىنا جازىلۋشىلارىنىڭ سانى 1 ميلليوننان استى
بۇل تۋرالى ءوزىنىڭ Facebook-تەگى پاراقشاسىندا مەملەكەت باسشىسىنىڭ باسپا ءسوز حاتشىسى بەرىك ءۋالي جازدى، دەپ حابارلايدى قازاقپارات.
«قاسىم- جومارت توقايەۆتىڭ نەگىزگى ساياسي ۇستانىمدارىنىڭ ءبىرى - اشىقتىق جانە قوعاممەن تىعىز قارىم- قاتىناس ورناتۋ. پرەزيدەنت «حالىق ۇنىنە قۇلاق اساتىن مەملەكەت» كونسەپتسياسىن ىسكە اسىرۋ بارىسىندا حالىقپەن تىكەلەي بايلانىسقا ەرەكشە كوڭىل بولەدى. تۇرعىنداردىڭ ءوتىنىش- تىلەكتەرىن دەر كەزىندە قاراۋ ءۇشىن قازاقستان پرەزيدەنتىنىڭ ۆيرتۋالدى قابىلداۋى اشىلدى. بۇگىندە وعان 6673 ءوتىنىش كەلىپ تۇسكەن»، - دەپ جازدى بەرىك ءۋالي.
ونىڭ جازۋىنشا، قاسىم- جومارت توقايەۆ بريفينگتەر مەن باسپا ءسوز ءماسليحاتتارىن ءجيى وتكىزىپ، وتاندىق جانە شەتەلدىك ب ا ق- قا سۇحبات بەرىپ تۇرادى. سونىمەن قاتار Twitter جانە Instagram سەكىلدى الەۋمەتتىك جەلىلەردى بەلسەندى قولدانادى.
2019 -جىلدىڭ 1 - ساۋىرىندە اشىلعان مەملەكەت باسشىسىنىڭ Instagram جەلىسىندەگى پاراقشاسىنا جازىلۋشىلار سانى 1 ميلليوننان استى. پرەزيدەنت 9 اي ىشىندە ءوز پاراقشاسىندا رەسمي شارالاردان، كەزدەسۋلەر مەن ساپارلاردان 60 پوست جاريالادى. قاسىم- جومارت كەمەل ۇلى الداعى ۋاقىتتا Instagram جەلىسىندە بەيرەسمي ساتتەردە تۇسىرىلگەن سۋرەتتەر مەن بەينەروليكتەر جاريالاۋدى دا جوسپارلاپ وتىر.
