ءتونىپ كەلە جاتقان جويقىن داۋىلدان 1 ميلليون ادام باس ساۋعالادى
جۇما كۇنى The Economic Times گازەتى جازعانداي، ءۇندىستاننىڭ ازاماتتىق اۆياتسيا باسقارماسى بحۋبانەشۆار قالاسىندا اۋەجايدىڭ جابىلاتىنىن جاريالادى. جۇما كۇنى كالكۋتتادا دا اۋەجاي جابىلادى.
وريسسا بيلىگى 1 ميلليون ادامدى ەۆاكۋاتسيالادى. ولاردى جاعالاۋدان شالعايدا جاتقان ۋاقىتشا ورنالاستىرۋ لاگەرلەرىنە جايعاستىرادى.
«فاني» سيكلونى شتاتقا بەنگال شىعاناعى تاراپىنان كەلە جاتىر. مەتەورولوگتاردىڭ ەسەپتەۋى بويىنشا، ول جاعالاۋعا جۇما كۇنى جەتۋى ءتيىس. ونىمەن بىرگە قاتتى جەل سوعىپ، نوسەر جاڭبىر جاۋادى. ونىڭ ەكپىنى 200 ك م/ساعاتقا دەيىن جەتەدى. 1999 -جىلى وسىنداي داۋىلدان 10 مىڭ ادام قازا تاپقان ەدى. سوندىقتان، شتاتتىڭ ۇكىمەتى جاعالاۋعا جاقىن جەردە تۇراتىن تۇرعىندارى ەۆاكۋاتسيالاۋ تۋرالى شەشىم قابىلدادى.
