اقتوبەدە جىل سايىن 1 مىڭ كوپبالالى وتباسىعا پاتەر بەرىلمەك

تۇرعىن ءۇي قۇرىلىس جيناق بانكىنىڭ اقتوبە وبلىستىق فيليالىندا 93 مىڭنان استام سالىمشى بار. قازىرگى كەزدە دەپوزيت قورى 45,6 ميلليارد تەڭگەگە جەتكەن. بانك 2018-جىلى «نۇرلى جەر» باعدارلاماسى اياسىندا 1717 پاتەر بەردى. بيىل دا جەرگىلىكتى اتقارۋشى ورگانمەن قاتار جەتىم بالالاردى، جاستاردى، كوپبالالى جانە تولىق ەمەس وتباسى ساناتىنداعى ادامداردى باسپانامەن قامتاماسىز ەتۋ جۇمىسى جۇرەدى. سونىمەن قاتار، ق ر پرەزيدەنتى نۇرسۇلتان نازاربايەۆتىڭ تاپسىرماسىمەن «باقىتتى وتباسى» باعدارلاماسى دا ىسكە اسىرىلادى.

«ەلباسى تاپسىرماسىمەن تۇرعىن ءۇي قۇرىلىس جيناق بانكىنە 150 ميلليارد تەڭگە ءبولىنىپ، كوپبالالى انالاردى باسپانامەن قامتۋ قولعا الىندى. بۇل باعدارلامامەن 4 جانە ودان دا كوپ بالاسى بار وتباسى، مۇگەدەك بالاسى بار ادامدار مەن تولىق ەمەس وتباسى پاتەر الا الادى. ماسەلەن، باسپانا قۇنى 10 ميلليون تەڭگە بولسا، اقتوبە قالاسىنان 3 بولمەلى پاتەر الۋعا بولادى. 8  جىل بويى اي سايىن 52,3 مىڭ تەڭگە، قالعان 11 جىلدا 36 مىڭ تەڭگە تولەيدى. وسى جولمەن جىل سايىن 1 مىڭ وتباسىعا پاتەر بەرۋ جوسپارلانىپ وتىر»، - دەدى «تۇرعىن ءۇي قۇرىلىس جيناق بانكى» اقتوبە وبلىستىق فيليالىنىڭ ديرەكتورى جەدەلبەك مىرزاعالەيەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى