اركتيكانىڭ بايلىعى 1 تريلليون دوللارعا باعالانىپ وتىر

بۇل تۋرالى اركتيكا ەكونوميكالىق كەڭەسى حاتشىلىعىنىڭ ديرەكتورى انۋ فرەدريكسون ءمالىم ەتتى، دەپ حابارلايدى ت ا س س.

«امەريكانىڭ Guggenheim Partners كومپانياسى اركتيكانىڭ ينۆەستيتسيالىق الەۋەتىن الداعى 15 جىلدىق جوسپارعا سايكەس 1 تريلليون دوللارعا باعالاپ وتىر. وسىعان وراي وعان قاجەتتى ينۆەستيتسيا سالىنۋى كەرەك. فينليانديادا وتكەن اركتيكا بيزنەس- فورۋمىندا نورۆەگيا، فينليانديا، شۆەتسيا جانە رەسەي سياقتى سولتۇستىكتەگى ەلدەردىڭ ينۆەستيتسيالىق الەۋەتى كەم دەگەندە 197 تريلليون دوللارعا باعالاندى. بۇل دەگەنىڭ وتە ۇلكەن قارجى»، - دەدى ول.

انۋ فەدريكسون سونىمەن قاتار كومىرسۋتەك نارىعىنداعى سوڭعى جىلداردا كەزدەسكەن قيىندىقتارعا دا توقتالىپ ءوتتى. «باعا قۇلدىراپ بارا جاتىر دەپ ايتا الماس ەدىم. بارەنتسيەۆ ايماعىنىڭ ينۆەستيتسيالىق الەۋەتى ەنەرگەتيكاعا قۇرىلعان»، - دەدى ول.

اركتيكالىق ەكونوميكالىق كەڭەس - حالىقارالىق ىنتىماقتاستىقتى ارتتىرىپ اركتيكانى ەكونوميكالىق دامىتۋعا باعىتتالعان حالىقارالىق بيزنەس- فورۋم. 2013-جىلى قۇرىلعان كەڭەس قۇرامىنا سەگىز اركتيكالىق ەلدىڭ، سونداي-اق التى ۇيىمنىڭ 42 مۇشە-وكىلى كىرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى